ମୁମ୍ବାଇ: ଆଉ ମାତ୍ର ୭ ଦିନ ରହିଲା ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ । ଏଥିଲାଗି ସମସ୍ତ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି । ଏହି ଅବସରରେ ବଲିଉଡର ଡ୍ରିମଗର୍ଲ ହେମା ମାଳିନୀ ପରଫର୍ମ କରିବେ । ସେ ରାମାୟଣ ଭିତ୍ତିକ ନୃତ୍ୟ ନାଟକ ଉପସ୍ଥାପନ କରିବେ । ଅଭିନେତ୍ରୀ ଅନେକ କ୍ଲାସିକ ମୁଭିରେ କାମ କରିଛନ୍ତି ଯାହା ବ୍ଲକବଷ୍ଟର ବୋଲି ପ୍ରମାଣିତ ହୋଇଛି । ଆଜି ବି ପ୍ରଶଂସକମାନେ ତାଙ୍କ ନୃତ୍ୟରେ ବିଭୋର ହୋଇପଡ଼ନ୍ତି ।
ରାମାୟଣ ଉପରେ ଆଧାରିତ ନୃତ୍ୟ ନାଟକ କରିବେ ହେମା
#WATCH | BJP leader Hema Malini says, "…I am coming to Ayodhya for the first time at the time of the 'pranpratishtha' of Ram Temple for which people were waiting for years…On January 17, I'll be presenting a dance drama based on Ramayana in Ayodhya Dham…"
(Source: Hema… pic.twitter.com/TjY34WTFNO
— ANI (@ANI) January 14, 2024
ଅଭିନେତ୍ରୀରୁ ରାଜନେତା ହେମା ମାଳିନୀ ବର୍ତ୍ତମାନ ଭାଜପା ନେତା । ତାଙ୍କ କାର୍ଯ୍ୟାଳୟ ଦ୍ୱାରା ପ୍ରକାଶିତ ଏକ ନୂଆ ଭିଡିଓ କ୍ଲିପରେ କହିଛନ୍ତି ଯେ, ସେ ରାମ ମନ୍ଦିରର ପବିତ୍ରତା ପାଇଁ ଅଯୋଧ୍ୟା ଯିବେ । ଆଉ ଭିଡିଓ କ୍ଲିପର କ୍ୟାପସନରେ ଡ଼୍ରିମଗର୍ଲ ଲେଖିଛନ୍ତି ଯେ- ମୁଁ ରାମ ମନ୍ଦିରର ପବିତ୍ରତା ସମୟରେ ପ୍ରଥମ ଥର ପାଇଁ ଅଯୋଧ୍ୟାକୁ ଆସୁଛି । ଯେଉଁଥିପାଇଁ ଲୋକମାନେ ବର୍ଷ ବର୍ଷ ଧରି ଅପେକ୍ଷା କରିଥିଲେ । ଜାନୁଆରୀ ୧୭ରେ ମୁଁ ଅଯୋଧ୍ୟା ଧାମରେ ରାମାୟଣ ଉପରେ ଆଧାରିତ ଏକ ନୃତ୍ୟ ନାଟକ ଉପସ୍ଥାପନ କରିବି । ଏହି ଭିଡ଼ିଓ ଦେଖିବା ପରେ ତାଙ୍କ ପ୍ରଶଂସକମାନେ ଭିନ୍ନ ଭିନ୍ନ ମତ ଦେଇଛନ୍ତି । ଅନେକ ଭେଟେରାନ ଅଭିନେତ୍ରୀଙ୍କ ପାଇଁ ଉତ୍ସାହ ଏବଂ ଖୁସି ବ୍ୟକ୍ତ କରିଛନ୍ତି । ଆଉ ଜଣେ ଲେଖିଛନ୍ତି, ସବୁଦିନ ପାଇଁ ସୁନ୍ଦର । ଅନ୍ୟ ଜଣେ ଲେଖିଛନ୍ତି, ଲୋକମାନେ ମଧ୍ୟ ଏଥିପାଇଁ ବହୁତ ଅପେକ୍ଷା କରିଥିଲେ ।
