![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ଚାଲିଗଲା ଦୁନିଆର ସବୁଠୁ ବୟସ୍କ କୁକୁର । ପୃଥିବୀରେ ସର୍ବାଧିକ କାଳ ବଞ୍ଚିଥିବା କୁକୁର ‘ବବି’ ୩୧ ବର୍ଷ ୧୬୫ ଦିନର ବୟସରେ ମୃତ୍ୟୁବରଣ କରିଛି । ବବି ଥିଲା ‘ରାଫେଇରୋ ଦୋ ଆଲେନ୍ତେଓ’ ଜାତିର ଏକ କୁକୁର । ପର୍ତ୍ତୁଗାଲ୍ରେ ପାଳିତ ଏହି କୁକୁରଟି ଗତ ଫେବ୍ରୁଆରି ସବୁଠାରୁ ବୟସ୍କ କୁକୁର ଭାବେ ଗିନିସ୍ ୱାଲର୍ଡ଼ ରେକର୍ଡ କରିଥିଲା । ବବି ପୂର୍ବରୁ ଅଷ୍ଟ୍ରେଲିଆର ‘ବ୍ଲୁଇ’ ନାମକ ଏକ କୁକୁର ୨୯ ବର୍ଷ ପାଞ୍ଚ ମାସରେ ମୃତ୍ୟୁବରଣ କରି ଏହି ରେକର୍ଡ ସ୍ଥାପନ କରିଥିଲା ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
ନିରୋଗରେ କାଟିଥିଲା ଜୀବନ
![After 2nd paragraph post ads](http://risingodisha.in/wp-content/uploads/2023/08/728.jpg)
ପର୍ତ୍ତୁଗାଲର ବାସିନ୍ଦା ଲିଓନେଲ୍ କୋଷ୍ଟା । ତାଙ୍କୁ ଯେତେବେଳେ ୮ ବର୍ଷ ବୟସ ହୋଇଥିଲା ସେତେବେଳେ ସେ ଘରକୁ ବବିକୁ ଆଣିଥିଲେ । ଘର ଲୋକଙ୍କୁ ନ ଜଣାଇ ଲୁଚାଇ ରଖିଥିଲେ । ଘର ଲୋକ ବବି ବିଷୟରେ ଜାଣିବା ପରେ ସେ ତାଙ୍କ ପରିବାରର ସଦସ୍ୟ ପାଲଟିଥିଲା । ସମସ୍ତେ ତାକୁ ଖୁବ୍ ଭଲ ପାଇବା ସହ ପରିବାରର ସଦସ୍ୟ ଭାବେ ଯତ୍ନ ନେଲେ । ଇତିହାସର ସବୁ କୁକୁରଙ୍କୁ ପଛରେ ପକାଇ ୧୧,୪୭୮ ଦିନ ବଞ୍ଚିଥିଲା ‘ବବି’ । ୨୦୧୮ରେ ଶ୍ୱାସକ୍ରିୟା ଜନିତ ସମସ୍ୟା ଯୋଗୁଁ ଡାକ୍ତରଖାନାରେ ଭର୍ତ୍ତି ହେବା ଛଡ଼ା ବଳକା ଜୀବନ ସେ ନିରୋଗରେ କାଟିଥିଲା । ବବିର ଦୀର୍ଘ ଜୀବନ ପଛରେ ଶାନ୍ତ ପରିବେଶର ଭୂମିକା ସର୍ବାଧିକ ଗୁରୁତ୍ୱପୂର୍ଣ୍ଣ ବୋଲି ତା’ ମାଲିକ ଲିଓନେଲ୍ ପ୍ରକାଶ କରିଛନ୍ତି । ବବିର ମୃତ୍ୟୁ ପରେ ପରିବାର ଲୋକେ ପୁରା ଭାଙ୍ଗି ପଡ଼ିଛନ୍ତି ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)