![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ପୁରୀ: ଶ୍ରୀଜଗନ୍ନାଥ ମନ୍ଦିର ରତ୍ନଭଣ୍ଡାର ସୁରକ୍ଷିତ ରହିଛି । ଏ ନେଇ କେହି ଚିନ୍ତା କରିବା ଉଚିତ ନୁହେଁ । ଶ୍ରୀଜଗନ୍ନାଥ ମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ରଞ୍ଜନ ଦାସ ଶନିବାର ଏହା କହିଛନ୍ତି । ୧୯୭୮ ମସିହାରୁ ଶ୍ରୀ ଜଗନ୍ନାଥଙ୍କ ରତ୍ନଭଣ୍ଡାର ଖୋଲାଯାଇ ନାହିଁ । ରତ୍ନଭଣ୍ଡାରରେ କେତେ ଅଳଙ୍କାର ଅଛି ସେହି ତଥ୍ୟ ଜାଣିବା ପାଇଁ ଭକ୍ତ ଓ କାର୍ଯ୍ୟକର୍ତ୍ତା ଦାବି କରି ଆସୁଛନ୍ତି ।
ରତ୍ନଭଣ୍ଡାର ସୁରକ୍ଷିତ ନେଇ ହାଇକୋର୍ଟଙ୍କୁ କରାଯିବ ଅବଗତ
![After 2nd paragraph post ads](http://risingodisha.in/wp-content/uploads/2023/08/728.jpg)
![Middle post content](http://risingodisha.in/wp-content/uploads/2023/08/website-1-e1691833471554.jpg)
ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ଓ ଅଳଙ୍କାର ଭଣ୍ଡାର ତାଲିକା ନେଇ ଦୁଇ ମାସ ମଧ୍ୟରେ ସ୍ୱତନ୍ତ୍ର କମିଟି ଗଠନ କରିବାକୁ ଓଡ଼ିଶା ହାଇକୋର୍ଟ ଏସଜେଟିଏକୁ ନିର୍ଦ୍ଦେଶ ଦେଇଥିଲେ । ଶନିବାର ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ବୈଠକରେ ଏ ସମ୍ପର୍କରେ ଆଲୋଚନା କରାଯାଇଥିଲା । ଶ୍ରୀଜଗନ୍ନାଥ ମନ୍ଦିରର ରତ୍ନଭଣ୍ଡାର ସୁରକ୍ଷିତ ଅଛି । ଏନେଇ ହାଇକୋର୍ଟଙ୍କୁ ଅବଗତ କରାଯିବ ବୋଲି ରଞ୍ଜନ ଦାସ ସୂଚନା ଦେଇଛନ୍ତି । ଆସନ୍ତା ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ବୈଠକରେ ସ୍ୱତନ୍ତ୍ର କମିଟି ଗଠନ ନେଇ ଆଲୋଚନା କରାଯାଇ ନିଷ୍ପତ୍ତି ନିଆଯିବ ବୋଲି ପରିଚାଳନା କମିଟି ସଦସ୍ୟ ମାଧବ ମହାପାତ୍ର ସୂଚନା ଦେଇଛନ୍ତି । ସେ ଓଡିଶା ସରକାରଙ୍କୁ ଏ ନେଇ ଅବଗତ କରାଇବେ । ହେଲେ ରତ୍ନଭଣ୍ଡାର ଖୋଲିବାରେ ରାଜ୍ୟ ସରକାରଙ୍କ ବିଳମ୍ବ ଭକ୍ତଙ୍କ ମନକୁ ଛୁଇଁ ପାରୁନାହିଁ ।
୧୯୭୮ ମସିହାରୁ ଖୋଲାଯାଇନି ରତ୍ନଭଣ୍ଡାର
ଯଦି ରତ୍ନଭଣ୍ଡାର ସୁରକ୍ଷିତ ଅଛି, ତେବେ ଏସଜେଟିଏ ଓ ରାଜ୍ୟ ସରକାର ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ କାହିଁକି ମାନିବାକୁ ପଛଘୁଞ୍ଚା ଦେଉଛନ୍ତି । ଅଗଷ୍ଟ ୪ ତାରିଖରେ ଭିତର ରତ୍ନଭଣ୍ଡାର ଖୋଲିବା ବେଳେ ଅଳଙ୍କାରର ସୂଚୀ ପ୍ରସ୍ତୁତ କରାଯିବ ବୋଲି ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଥିଲା । ଭିତର ରତ୍ନଭଣ୍ଡାର ଖୋଲିବାର ସମୟ ଆସିନାହିଁ କି? ସାଧାରଣ ନିର୍ବାଚନ ଯାଏଁ ଏହି ମାମଲାକୁ ସ୍ଥଗିତ ରଖି ସରକାରକୁ ବଞ୍ଚାଇବାକୁ ଚେଷ୍ଟା କରୁଥିବାରୁ ଅଧିକାରୀମାନେ ଏଭଳି ମନମୁଖୀ ବୟାନ ଦେଉଛନ୍ତି ବୋଲି ସୂଚନା ଅଧିକାର କର୍ମୀ ଦିଲ୍ଲୀପ ବରାଳ କହିଛନ୍ତି । ୧୯୭୮ ମସିହାରୁ ରତ୍ନଭଣ୍ଡାର ଖୋଲାଯାଇନାହିଁ । ରତ୍ନଭଣ୍ଡାର ଖୋଲିବା ସହ ଅଳଙ୍କାର କେତେ ଅଛି ତଥ୍ୟ ଜାଣିବାକୁ ଭକ୍ତ ଓ କାର୍ଯ୍ୟକର୍ତ୍ତାଙ୍କ ପକ୍ଷରୁ ଦାବି ହୋଇଛି ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)