ମୁମ୍ବାଇ: ବଲିଉଡ୍ ଅଭିନେତ୍ରୀ କାଜୋଲ । ତାଙ୍କର ଚିତାକର୍ଷକ ଅଭିନୟ ପାଇଁ ସେ ପ୍ରତ୍ୟେକଙ୍କ ପ୍ରିୟ ହୋଇପାରିଛନ୍ତି । ସେ ବଲିଉଡ଼ରେ ଅନେକ ହିଟ୍ ଫିଲ୍ମ ଭେଟି ଦେଇଛନ୍ତି । ଯାହାକୁ ଦର୍ଶକ ବାରବାର ତାଙ୍କ ଫିଲ୍ମ ଦେଖିବାକୁ ପସନ୍ଦ କରିଛନ୍ତି । ହେଲେ ଦର୍ଶକ ଜାଣି ଆଶ୍ଚର୍ଯ୍ୟ ହେବେ ଯେ, ସେ ନିଜ କ୍ୟାରିୟରରେ କେବେ ବି ବୋଲ୍ଡ ସିନ୍ କରି ନାହାନ୍ତି । କାଜୋଲ ଯେଉଁଠିକି ଯାଆନ୍ତି ସେଠି ଏକ ନିଆରା ପରିବେଶ ସୃଷ୍ଟି କରନ୍ତି । କୌଣସି ସାକ୍ଷାତକାର ହେଉ କି ଇଭେଣ୍ଟ । ସବୁଠି କାଜୋଲଙ୍କ ଉପରେ ଥାଏ ସମସ୍ତଙ୍କ ନଜର । ଦୀର୍ଘବର୍ଷ ପରେ କାଜଲ କହିଛନ୍ତି, ସେ ପରଦାରେ ଏକ ନିର୍ଦ୍ଦିଷ୍ଟ ପ୍ରକାରର ଦୃଶ୍ୟ କରିବା ଠାରୁ ଦୂରେଇ ରୁହନ୍ତି ।
ବୋଲ୍ଡ ସିନ୍ରେ ନିଜକୁ କମ୍ଫର୍ଟ ମନେ କରନ୍ତି ନାହିଁ
୧୯୯୨ରେ ଫିଲ୍ମ ‘ବେଖୁଦି’ ରେ ନିଜର କ୍ୟାରିୟର ଆରମ୍ଭ କରିଥିବା କାଜୋଲା । ଏପର୍ଯ୍ୟନ୍ତ ତାଙ୍କ କ୍ୟାରିୟରରେ ୧୦୦ରୁ ଅଧିକ ଫିଲ୍ମରେ ଅଭିନୟ କରି ସାରିଛନ୍ତି । ଯାହା ତାଙ୍କୁ ଜଣେ ଦକ୍ଷ ଅଭିନେତ୍ରୀ ବୋଲି ପ୍ରମାଣିତ କରିଛି । କ୍ୟାରିୟରର ଆରମ୍ଭରେ ସେ ନିଜର ସରଳ ଚେହେରା ସହିତ ଲୋକଙ୍କ ହୃଦୟ ଜିତିଥିଲେ । ୯୦ ଦଶକରେ ବି’ ଟାଉନ୍ରେ ସେ ହଇଚଇ ସୃଷ୍ଟି କରୁଥିଲେ । ତାଙ୍କର ସମାନ ଷ୍ଟାରଡମ ଆଜି ବି ଜାରି ରହିଛି । ନିକଟରେ କାଜୋଲ କହିଛନ୍ତି ଯେ, ତାଙ୍କୁ ଲୋକଙ୍କୁ ହସାଇବାକୁ ଭଲ ଲାଗେ । ତେଣୁ ସେ ଲଜ୍ଜାଜନକ ଚରିତ୍ରରେ ଅଭିନୟ କରିବାକୁ ପସନ୍ଦ କରନ୍ତି ନାହିଁ । ଶୁଟିଂ ସମୟରେ ସେ କାଷ୍ଟ ସହିତ କେତେ ମଜା କରନ୍ତି ସେ ବିଷୟରେ ଅନେକ କଥା କହିଛନ୍ତି । ଏକଥା ନିଜେ ସେ ଅନେକ ସାକ୍ଷାତକାରରେ ମଧ୍ୟ ପ୍ରକାଶ କରିଛନ୍ତି ଯେ, ସେ ବୋଲ୍ଡ ସିନ୍ରେ ନିଜକୁ କମ୍ଫର୍ଟ ମନେ କରନ୍ତି ନାହିଁ । ତେଣୁ ବୋଲ୍ଡ ସିନ୍ଠାରୁ ସେ ଦୂରେଇ ରୁହନ୍ତି । ଏହି କାରଣରୁ ସେ ଅନେକ ବ୍ଲକବଷ୍ଟର ଫିଲ୍ମକୁ ପ୍ରତ୍ୟାଖ୍ୟାନ କରିଛନ୍ତି । ଏଥିମଧ୍ୟରୁ ଗଦର ହେଉଛି ଗୋଟିଏ ।
