ଶାହରୁଖଙ୍କ ପୁଅ ଆର୍ଯ୍ୟନ ଡ୍ରଗ୍ସ ରଖିବା ଅଭିଯୋଗରେ ଏକ କ୍ରୁଇଜ୍ ସିପରୁ ଗିରଫ ହେବା ପରେ ଏବେ ରେଭ୍ ପାର୍ଟିକୁ ନେଇ ଆଲୋଚନା ହେଉଛି । ଆପଣ ମଧ୍ୟ ଅନେକ ସମୟରେ ରେଭ୍ ପାର୍ଟି ବାବଦରେ ଶୁଣିଥିବେ । ତେବେ ପ୍ରଶ୍ନ ହେଲା ଏହି ରେଭ୍ ପାର୍ଟି କ’ଣ ? କେମିତି ଏହା ଆୟୋଜିତ ହୁଏ ଓ କେଉଁମାନେ ଏହାର ଆୟୋଜନ କରିଥାନ୍ତି ?
କେମିତି ହୁଏ ରେଭ୍ ପାର୍ଟି ?
ସାଧାରଣତଋ ରେଭ ପାର୍ଟି ବହୁତ ଗୁପ୍ତ ଭାବରେ କରାଯାଇଥାଏ । କାହିଁକିନା ଅଧିକାଂଶ ଏଭଳି ପାର୍ଟିରେ ବେଆଇନ ଡ୍ରଗ୍ସର ବହୁଳ ବ୍ୟବହାର ହୋଇଥାଏ । ଏହି ପାର୍ଟୀଗୁଡିକ ସାଧାରଣତ ସହର ବାହାରେ କିମ୍ବା ଗୁପ୍ତ ଭାବେ ଆୟୋଜନ ହୋଇଥାଏ । ରଙ୍ଗୀନ ଲାଇଟ୍, ବେଆଇନ ଡ୍ରଗ୍ସ, ମଦ୍ୟପାନ ସହ ଭରପୂର ନାଚଗୀତ ହୋଇଥାଇ ଏହି ପାର୍ଟିରେ । କିଛି ଲୋକ ଏହି ପାର୍ଟିକୁ କେବଳ ନିଜର ମ୍ୟୁଜିକ ଫ୍ରେମ ପାଇଁ ଡ୍ୟାନ୍ସ କରିବାକୁ ଆସନ୍ତି । ଆଉ କିଛି ଲୋକ ଡ୍ରଗ୍ ବ୍ୟବହାର କରି ଗୀତର ତାଳେ ତାଳେ ଝୁମିବାକୁ ପସନ୍ଦ କରନ୍ତି ।
ପାର୍ଟିରେ ହୁଏ କ’ଣ ?
ଏହି ପାର୍ଟିର ଏଣ୍ଟ୍ରି ବହୁତ ମହଙ୍ଗା ହୋଇଥାଏ । ତେଣୁ ଏହି ପାର୍ଟିରେ ପ୍ରାୟ ହାଇପ୍ରୋଫାଇଲ୍ ଧନୀ ଲୋକଙ୍କୁ ହିଁ ଦେଖିବାକୁ ମିଳେ । ଏହି ପାର୍ଟିରେ ସବୁଠୁ ଖାସ ହେୁଛି ଏହାର ମ୍ୟୁଜିକ୍ । ଏଥିରେ ବଲିଉଡ ହଲିଉଡ କି ପଞ୍ଜାବୀ ଗୀତ ବଜେ ନାହିଁ । ଏଥିରେ କେବଳ ଇଲେକ୍ଟ୍ରେନିକ୍ସ ମ୍ୟୁଜିକ ବାଜେ ଯେଉଁଥିରେ ଲିରିକ୍ସ ବହୁତ କମ ଥାଏ ବା ଆଦୌ ନଥାଏ ବୋଲି କହିଲେ ଚଳେ। ଏହି ଗୀତର ବିଟ୍ସ ଏମିତି ମାହୋଲ ତିଆରି କରେ ଯାହା ସଦ୍ୱାରା ପାର୍ଟିକୁ ଆସିଥିବା ସମସ୍ତେ ଘଣ୍ଟା ଘଣ୍ଟା ଧରି ନାଚିଥାନ୍ତି ।
ଏହି ପାର୍ଟିରେ ଟେକ୍ନୋ, ହାର୍ଡକୋର ଟେକ୍ନା, ହାଉସ୍, ବ୍ରେକବିଟ୍, ଏସିଡ୍ ହାଉସ୍, ସାଇକେଡେଲିକ୍ ଟ୍ରାନ୍ସ, ସାଇ ଆମ୍ବିଏଣ୍ଟ୍, ଫରେଷ୍ଟ, ପ୍ରୋଗ୍ରେସିଭ ଏବଂ ଅନ୍ଧକାର ଟ୍ରାନ୍ସ, ଘର, ଏସିଡ୍ ପପ୍ ଭଳି ବହୁତ ମ୍ୟୁଜିକ ଜୋନର୍ ଶୁଣିବାକୁ ମିଳେ ।
ରେଭ୍ ପାର୍ଟି ଯିବାରେ ଥାଏ ବହୁତ ରିସ୍କ:
କିଛି ଦେଶ ଏଭଳି ଅଛି ଯାହା ରେଭ ପାର୍ଟିକୁ ନିଜଲ ରାଜସ୍ୱ ଆଦାୟର ଏକ ଭଲ ଉତ୍ସ ଭାବେ । ଆଉ ଏହି ଦେଶମାନଙ୍କରେ ରେଭ ପାର୍ଟିକୁ ନେଇ ବିଶେଷ କିଛି କଟକଣା ନଥାଏ । ଭାରତର କିନ୍ତୁ ସମ୍ପୂର୍ଣ୍ଣ ଅଲଗା ।
ଏହିପରି ପାର୍ଟୀରେ, ଲୋକମାନେ ଅନେକ ସମୟରେ ସଂଯମତା ହରାଇ ଡ୍ରଗ୍ସର ଓଭର ଡୋଜ୍ ନେବାର ହେବାର ଆଶଙ୍କା ରହିଥାଏ । ଏପରିକି ବହୁତ ରେଭ୍ ପାର୍ଟୀରୁ ମୃତ୍ୟୁ ଖବର ମଧ୍ୟ ଆସିଥାଏ । ଭାରତରେ ଏହି ପାର୍ଟିଗୁଡ଼ିକରେ ପ୍ରାୟ ସମୟରେ ଏସନିବି ଓ ପୋଲିସର ରେଡ୍ ପଡ଼ିଥାଏ। ବିଗତ ଦଶ ବର୍ଷ ମଧ୍ୟରେ ମୁମ୍ବାଇର ଅନେକ ହାଇ-ପ୍ରୋଫାଇଲ୍ ସ୍ଥାନରେ ଚଢ଼ାଉ ହୋଇଥିବା ଖବର ଆସିଛି। ଭାରତରେ ଯେହେତୁ ଡ୍ରଗ୍ସ ସମ୍ବନ୍ଧୀୟ ନିୟମ ଅତ୍ୟନ୍ତ କଠୋର, ତେଣୁ ଯଦି କୌଣସି ପାର୍ଟିରେ ଚଢାଉ ହେଲା ତେବେ ଲୋକଙ୍କୁ ଦୀର୍ଘ ସମୟ ଧରି ଜେଲରେ ରହିବାକୁ ପଡିପାରେ। ଏହି କାରଣରୁ ଅନେକ ଲୋକଙ୍କ କ୍ୟାରିୟର ବି ଖରାପ ହୋଇଥାଏ । କେବଳ ଏତିକି ନୁହେଁ ଏହି ପାର୍ଟିରେ ଅନେକ ଯୁବକ ଯୁବତୀଙ୍କୁ ଡ୍ରଗ୍ସ ନିଶା ଲାଗିଯାଏ । ଯାହାକି ସେମାନଙ୍କ ଜୀବନକୁ ନଷ୍ଟ କରିବାର ସମ୍ଭାବନା ମଧ୍ୟ ରହିଥାଏ । ଆମ ଯୁବପିଢ଼ି ଦେଶର ଭବିଷ୍ୟତ, ତେଣୁ ଭାରତରେ ରେଭ୍ ପାର୍ଟିକୁ ନେଇ ନିୟମ ଅନ୍ୟ ଦେଶ ଅପେକ୍ଷା ବେଶ୍ କଠନ ରହିଛି ।
