ଆଜିକାଲି ସୋସିଆଲ ମିଡିଆରେ ବିଭିନ୍ନ ସ୍ଥାନରେ ଚମତ୍କାର ଜିନିଷ ସବୁ ଦେଖିବାକୁ ମିଳୁଛି । ଯାହାକୁ ଦେଖିଲେ ବି ବିଶ୍ୱାସ କରିବା ସମ୍ଭବ ହୁଏନାହିଁ । ଏବେ ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଏକ ଗଛରୁ ଅନବରତ ଭାବେ ପାଣି ପ୍ରବାହିତ ହେଉଛି । ଲୋକମାନେ ଏହାକୁ ଏକ ଯାଦୁକରୀ ଗଛ ବୋଲି କହୁଛନ୍ତି । କେହି କେହି ଏହାକୁ ଚମତ୍କାର ବୋଲି କହୁଛନ୍ତି । ଏହାକୁ ଦେଖିବା ପାଇଁ ବିଭିନ୍ନ ସ୍ଥାନରେ ଲୋକମାନେ ଆସୁଛନ୍ତି । ମୋଣ୍ଟେନେଗ୍ରୋର ଡାଇନୋସା ଗାଁରେ ପ୍ରାୟ ୧୫୦ ବର୍ଷର ଏକ ପୁରୁଣା ମଲବେରି ଗଛ ଅଛି । ୧୯୯୦ ଦଶକରୁ ଏହି ଗଛରୁ ପାଣି ପ୍ରବାହିତ ହେଉଛି । ପ୍ରବଳ ବର୍ଷା ହେବା ମାତ୍ରେ ପାଣି ଝରଣା ଆକାରରେ ବାହାରୁଛି । ଆମେ ଜାଣୁ ଯେ, ଜୀବନ୍ତ ଗଛ ଜଳ ଉତ୍ପାଦନ କରେ ନାହିଁ । ଯେତେବେଳେ ଏହା ଉପରେ ଅନୁସନ୍ଧାନ କରାଗଲା ସେତେବେଳେ ଜାଣିବାକୁ ମିଳିଲା ଯେ, ଘାସ ଥିବା ସ୍ଥାନରେ ଏହି ଗଛଟି ବଢୁଛି । ସେଠାରେ ଅନେକ ଭୂତଳ ଝରଣା ଅଛି । ଯେତେବେଳେ ବି ପ୍ରବଳ ବର୍ଷା ହୁଏ, ସେଗୁଡ଼ିକ ପ୍ରବାହିତ ହୁଏ । ଅତିରିକ୍ତ ଚାପ ହେତୁ, ଏହି ପାଣି ଗଛର କୋରଡ଼ ଦେଇ ବାହାରିଥାଏ ।
There is an old mulberry tree approximately150years old in the village of Dinosa in Montenegro. This tree has been gushing water since the 1990's
It sits on underground streams and its hollows act as a relief valve for the pressure that builds up after heavy rainfall… pic.twitter.com/1IFOztmXlF
— Science girl (@gunsnrosesgirl3) November 18, 2023
ଦୀର୍ଘ ୨୫ ବର୍ଷ ହେଲାଣି ବାହାରୁଛି ପାଣି
କେବଳ ଗୋଟିଏ କି ଦୁଇ ବର୍ଷ ନୁହେଁ, ଗତ ୨୦ରୁ ୨୫ବର୍ଷ ଧରି ଏହା ଘଟୁଛି । ସ୍ଥାନୀୟ ବାସିନ୍ଦାଙ୍କ କହିବା କଥା, ଏହି ବୃକ୍ଷଟି ୧୫୦ ବର୍ଷର ପୁରୁଣା । ଏହା ଏକ ସମ୍ପୂର୍ଣ୍ଣ ପ୍ରାକୃତିକ ପ୍ରକ୍ରିୟା । ମଣିଷମାନେ ଏହାକୁ ନିଜେ ସୃଷ୍ଟି କରିନାହାନ୍ତି । ଭୂମିରୁ ପ୍ରାୟ ୧.୫ ମିଟର ଉଚ୍ଚତାରେ ଗଛର ଗଣ୍ଡିରୁ ପାଣି ବହିଥାଏ । ଏହା ଭଗବାନ କିମ୍ବା ପ୍ରକୃତିର ଏକ ଉପହାର । ଏଷ୍ଟୋନିଆର ତୁହାଲା ସହରରେ ମଧ୍ୟ ସମାନ ଘଟଣା ଦେଖିବାକୁ ମିଳେ, ଯେଉଁଠାରେ ଏକ ପୁରୁଣା କୂଅରୁ ପାଣି ପ୍ରବାହିତ ହୁଏ । ଏହାକୁ ଯାଦୁକର କୂଅ କୁହାଯାଏ । ଲୋକମାନେ କୁହନ୍ତି, ଯାଦୁଗରମାନେ ଏଠାରେ ଶବ୍ଦ କରନ୍ତି, ଯେଉଁ କାରଣରୁ ଏହି ବିରଳ ଘଟଣା ଦେଖାଯାଏ ।
