କୋଣାର୍କ : ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ ଗୋପାଳ ସମାଜ । କାକଟପୁର ମଙ୍ଗଳା ମନ୍ଦିର ସମ୍ମୁଖରେ କଲେ ସମୁହ ଦୀପ ଦାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫୦୦ ଡିସିମିଲ୍ ଭୂମି ଅଲ୍ ଓଡ଼ିଶା ଗୋପାଳ ସମାଜକୁ ପ୍ରଦାନ କରିଛନ୍ତି । ଓଡିଶାରେ ୧ କୋଟି ୫ଲକ୍ଷ ଗୋପାଳଙ୍କ ପାଇଁ ଭୁବେନଶ୍ୱର ଚନ୍ଦ୍ରଶେଖରପୁର ଅଞ୍ଚଳରେ ନିର୍ମାଣ ହେବ ଗୋପାଳ ସମାଜ ଭବନ । ଭୁବନେଶ୍ୱର ଆସୁଥିବା ଗୋପାଳ ସମ୍ପ୍ରଦାୟର ଛାତ୍ରଛାତ୍ରୀ, ରୋଗୀ, ଏଠାରେ ରହିବାର ବ୍ୟବସ୍ଥା କରାଯିବ । ଏନେଇ ଓଡ଼ିଶା ଗୋପାଳ ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।
ମଙ୍ଗଳା ମନ୍ଦିରରେ ଏକାଠି ହେଲେ ଗୋପାଳ ସମାଜ
ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇବା ଉଦ୍ଧେଶ୍ୟରେ କାକଟପୁର ମଙ୍ଗଳା ମନ୍ଦିର ସାମ୍ନାରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଗୋପାଳ ସମାଜର ପ୍ରତ୍ୟେକ କର୍ମଚାରୀ ମନ୍ଦିରରେ ସମୁହ ଦୀପ ଦାନ କରିଥିଲେ । ପରେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ ।
