![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ମୁମ୍ବାଇ: ବଲିଉଡ଼ କିଙ୍ଗ୍ ଶାହାରୁଖ ଖାନ୍ଙ୍କୁ ପଛରେ ପକାଇଲେ ସାଉଥ ସୁପରଷ୍ଟାର ରାମଚରଣ । ସେ ତାଙ୍କର ଆଗାମୀ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । କାରଣ ତାଙ୍କର ଗୋଟେ ଗୀତ ପାଇଁ ମୋଟ ୨୦ କୋଟି ଟଙ୍କା ଖର୍ଚ୍ଚ ହୋଇଥିବା ଜଣାଯାଇଛି । ‘ଆରଆରଆର’ ପରେ ଫିଲ୍ମ ‘ଗେମ୍ ଚେଞ୍ଜର’କୁ ନେଇ ଚର୍ଚ୍ଚାରେ ଅଛନ୍ତି ରାମଚରଣ । ଏହି ଫିଲ୍ମରେ ତାଙ୍କ ସହ ଅଭିନେତ୍ରୀ କିଆରା ଆଡଭାନୀ ନଜର ଆସିବେ । ଫିଲ୍ମର ସୁଟିଂ ବିଭିନ୍ନ କାରଣରୁ ଶେଷ ହୋଇପାରୁ ନ ଥିବା ବେଳେ ଏବେ ଫିଲ୍ମଟି ୨୦୨୪ରେ ରିଲିଜ୍ ହେବ ବୋଲି କୁହାଯାଉଛି ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
ଫିଲ୍ମର ଗୋଟିଏ ଗୀତ ପାଇଁ ଖର୍ଚ୍ଚ ହେଲା ୨୦କୋଟି
![After 2nd paragraph post ads](http://risingodisha.in/wp-content/uploads/2023/08/728.jpg)
ତେବେ ଫିଲ୍ମରେ ଥିବା ଏକ ଗୀତର ବଜେଟକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଗୀତର ପ୍ରଥମ ପୋଷ୍ଟର ସାମ୍ନାକୁ ଆସିଥିବା ବେଳେ ଏହି ଗୀତ ୨୦ କୋଟି ବଜେଟରେ ସୁଟ୍ କରାଯାଇଥିବା କୁହାଯାଉଛି । ଯଦି ଏହି ରିପୋର୍ଟ ସତ ହୋଇଥାଏ, ତେବେ ରାମଚରଣ, ବଲିଉଡର କିଙ୍ଗ ଖାନ୍ ଶାହରୁଖଙ୍କୁ କାଟିଛନ୍ତି । କାରଣ ଶାହରୁଖ ଫିଲ୍ମ ‘ଯବାନ’ରେ ଥିବା ଗୀତ ‘ଜିନ୍ଦା ବନ୍ଦା’ର ସୁଟିଂ ପାଇଁ ନିର୍ମାତା ୧୫କୋଟି ଟଙ୍କା ଖର୍ଚ୍ଚ କରିଥିଲେ । ଏବେ ରାମଚରଣଙ୍କ ଫିଲ୍ମର ଗୀତ ୨୦କୋଟି ବଜେଟରେ ସୁଟ୍ କରାଯାଇଥିବା ବେଳେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଗୀତର ନାମ ରହିଛି ‘ଜାରାଗାନ୍ଦି’ । ଏହି ଗୀତର ପୋଷ୍ଟରରେ ରାମଚରଣ କ୍ୟାମେରାକୁ ପଛ କରି ଛିଡା ହୋଇଥିବା ସହ ହାତରେ ଏକ ଡାଏରୀ ଧରିଛନ୍ତି । ଏହା ସହ ସେ ଏକ କୁର୍ତ୍ତା ପିନ୍ଧିଥିବା ଦେଖିବାକୁ ମିଳିଛି । ଏଭଳି ରଙ୍ଗୀନ ପୋଷ୍ଟରକୁ ଦେଖି ଗୀତର ରିଲିଜକୁ ନେଇ ଉତ୍ସାହିତ ହୋଇପଡ଼ିଛନ୍ତି ରାମଚରଣଙ୍କ ପ୍ରଶଂସକ ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)