ନୂଆଦିଲ୍ଲୀ: ଦୁନିଆର ଶ୍ରେଷ୍ଠ ଫୁଟବଲର ତାଲିକାରେ ଅଛନ୍ତି କ୍ରିଷ୍ଟିଆନୋ ରୋନାଲଡୋ । ମ୍ୟାଚରେ ତାଙ୍କର ଚିତାକର୍ଷକ ପ୍ରଦର୍ଶନ ଯୋଗୁ ସବୁବେଳେ ଚର୍ଚ୍ଚାରେ ରୁହନ୍ତି ରୋନାଲଡ଼ୋ । ଅନ୍ତର୍ଜାତୀୟ ମ୍ୟାଚରେ ସର୍ବାଧିକ ଗୋଲ ସ୍କୋର କରିବାରେ ଏହି ପର୍ତ୍ତୁଗୀଜ ଖେଳାଳି ଶ୍ରେଷ୍ଠ ତିନି ଖେଳାଳିଙ୍କ ମଧ୍ୟରେ ଅଛନ୍ତି । ହେଲେ ରୋନାଲଡ଼ୋଙ୍କ ପସନ୍ଦ ଦାମୀ କାର ସହିତ ଦାମୀ ଘଣ୍ଟା । ତାଙ୍କ ପାଖରେ ରହିଛି ଭିନ୍ନ ଭିନ୍ନ ବିଳାସପୂର୍ଣ୍ଣ କାର । ଆଉ ତାଙ୍କର ଗୋଟେ ହାତ ଘଣ୍ଟାର ଦାମ ଜାଣିଲେ ଆପଣଙ୍କ ହୋସ ଉଡ଼ିଯିବ । ଏବେ ସୋସିଆଲ ମିଡ଼ିଆରେ ରୋନାଲଡୋଙ୍କ ଏକ ଘଣ୍ଟା ଭାଇରାଲ ହେଉଛି, ଯାହାର ଦାମ୍ ଶୁଣି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଗୋଟେ ଘଣ୍ଟାର ମୂଲ୍ୟରେ ଦୁଇଟି ଫ୍ଲାଟ, କାର କିଣିହେବ
ପଡ଼ିଆରେ ରୋନାଲଡୋ ପ୍ରାୟତଃ ହାତରେ ଘଣ୍ଟା ପିନ୍ଧିଥିବାର ନଜର ଆସନ୍ତି । ଆଶ୍ଚର୍ଯ୍ୟର ବିଷୟ ହେଉଛି, ରୋନାଲଡୋଙ୍କ ପ୍ରତ୍ୟେକ ଘଣ୍ଟାର ମୂଲ୍ୟ ଲକ୍ଷ ଲକ୍ଷ ଟଙ୍କା । ଆଉ ତାଙ୍କ ପାଖରେ ଏପରି ଏକ ଦାମୀ ଘଣ୍ଟା ରହିଛି, ଯାହାର ମୂଲ୍ୟରେ ଜଣେ ସାଧାରଣ ଲୋକ ଦିଲ୍ଲୀ ଏନସିଆରରେ ଦୁଇଟି ଫ୍ଲାଟ କିଣି ପାରିବେ କିମ୍ବା ଏହାର ମୂଲ୍ୟରେ ଅନେକ କାର କିଣି ପାରିବେ । ଏହି ଘଣ୍ଟାଟି ଗିର୍ଡ ପେରେଗକ୍ସ କମ୍ପାନୀର । ଏହି ଘଣ୍ଟାର ମୂଲ୍ୟ ପ୍ରାୟ ୧୬ କୋଟି ଟଙ୍କା । ଏହି କମ୍ପାନୀ ବହୁତ ମହଙ୍ଗା ଘଣ୍ଟା ପାଇଁ ଜଣାଶୁଣା । ରୋନାଲଡୋଙ୍କର ଫ୍ରାଙ୍କ ମଲେର ସିଣ୍ଟ୍ରି ବକ୍ରକ୍ସ ଟୁର୍ବିଲନର ଏକ ଘଣ୍ଟା ମଧ୍ୟ ଅଛି । ଏହାର ମୂଲ୍ୟ ପ୍ରାୟ ୧୨ କୋଟି ଟଙ୍କା ।
କୋଟି କୋଟି ଟଙ୍କାର ମାଲିକ ରୋନାଲଡୋ
ଯାକବ ଆଣ୍ଡ କୋ ବ୍ରାଣ୍ଡ ରୋନାଲଡୋ ପାଇଁ ଏକ ସ୍ୱତନ୍ତ୍ର ଘଣ୍ଟା ଡିଜାଇନ କରିଥିଲେ । ଏହି ଘଣ୍ଟାର ମୂଲ୍ୟ ମଧ୍ୟ ଲକ୍ଷ ଲକ୍ଷ ଟଙ୍କାରେ ଅଛି । ବ୍ରାଣ୍ଡ ଏହି ଘଣ୍ଟାର ଫଟୋ ସୋସିଆଲ ମିଡିଆରେ ରୋନାଲଡୋଙ୍କ ସହ ସେୟାର କରିଥିଲା । କୋଟି କୋଟି ମୂଲ୍ୟର ସମ୍ପତ୍ତିର ମାଲିକ ହେଉଛନ୍ତି ରୋନାଲଡୋ । ତାଙ୍କର ଅନେକ ଦାମୀ କାର ଅଛି । ସାରା ବିଶ୍ୱରେ ରୋନାଲଡୋଙ୍କର ପ୍ରଶଂସକ ଅଛନ୍ତି । ଇନଷ୍ଟାଗ୍ରାମରେ ୬୨୦ ମିଲିୟନରୁ ଅଧିକ ଲୋକ ତାଙ୍କୁ ଫଲୋ କରନ୍ତି ।
