ବିଧାୟକଙ୍କ ଥାଟ୍ ଅନେକଙ୍କୁ ଆକର୍ଷିତ କରିଥାଏ । ପ୍ରତି ନିର୍ବାଚନ ସହିତ ବିଧାୟକଙ୍କ ସମ୍ପତି ବୃଦ୍ଧିକୁ ନେଇ ପ୍ରଶ୍ନ ମଧ୍ୟ ଉଠେ । ଏହା ନିର୍ବାଚନ ପୂର୍ବରୁ ବିଧାୟକମାନେ ଦାଖଲ କରୁଥିବା ସତ୍ୟପାଠରୁ ଜଣା ପଡିଥାଏ । ପ୍ରାୟ ସବୁ ବିଧାୟକଙ୍କ ସତ୍ୟପାଠରୁ ଜଣା ପଡିଥାଏ ଯେ, ସେମାନେ ରିୟଲ ଇଷ୍ଟେଟରେ ନିବେଶ କରିଥାନ୍ତି । ଅର୍ଥନୈତିକ ବିଶେଷଜ୍ଞଙ୍କ ଅନୁସାରେ ବିଧାୟକ ମାନେ ଜମି ବା ପ୍ଲଟରେ ପୁଂଜି ନିବେସ କରିବାକୁ ସୁରକ୍ଷିତ ବୋଲି ଭାବିଥାନ୍ତି କିନ୍ତୁ ସତ ହେଉଛି ଏଭଳି ନିବେଶ ଦ୍ୱାରା ସେମାନଙ୍କ ସମ୍ପତ୍ତିରେ ଅଧିକ ବୃଦ୍ଧି ଘଟିନଥାଏ । ସେମାନଙ୍କ ଟଙ୍କା ଜମିଜମାରେ ନିବେଶ ଦ୍ୱାରା ଅଧିକ ବୃଦ୍ଧି ଘଟିନଥାଏ । ଆପଣ ଯଦି ନିବେଶର ସଠିକ ତରିକା ଆପଣାଇବେ ତେବେ ଆପଣ ବିଧାୟକଙ୍କଠାରୁ ଅଧିକ ଟଙ୍କା ରିଟର୍ଣ୍ଣରେ ପାଇପାରିବେ ।
ସେୟାର ବଜାରର ଦମକୁ ବୁଝନ୍ତୁ
ଏକ୍ସପର୍ଟ ଜୋର ଦେଇ କୁହାନ୍ତି ଯେ, ସେୟାର ମାର୍କେଟରେ ପୁଂଜି ନିବେଶ ଦ୍ୱାରା ଯେଉଁ ରିଟର୍ଣ୍ଣ ମିଳିଥାଏ ତାହା ଅନ୍ୟ କୌଣସି ନିବେଶରୁ ମିଳିନଥାଏ । ଆଜିର ସମୟରେ ମୁମ୍ବାଇ ଷ୍ଚକ ଏକ୍ସଚେଂଜର ସୂଚକାଙ୍କ ୫୩ ହଜାର ଅଛି । ଅନେକ ଆଶା କରନ୍ତି ଯେ, ଆଗାମୀ ୧୦ ବର୍ଷରେ ଏହା ୨ ଲକ୍ଷ ଛୁଇଁବ । ଅର୍ଥାତ ୧୦ ବର୍ଷ ଭିତରେ ଆପଣଙ୍କ ନିବେଶ ଅନେକ ଗୂଣ ବଢିବ । ଏହା ସତ ଯେ, ସେୟାର ମାର୍କେଟରେ ବିପଦ ରହିଛି । କିନ୍ତୁ ଧୈର୍ଯ୍ୟର ସହିତ ଯଦି ଲମ୍ବା ଅବଧିରେ ନିବେଶ କରାଯାଏ ତେବେ ଭଲ ରିଟର୍ଣ୍ଣ ମିଳିବ ।
ଓଡ଼ିଶାର ବିଧାୟକ ରିୟଲ ଇଷ୍ଟେଟରେ ଅଧିକ ନିବେଶ କରନ୍ତି..
ଆପଣଙ୍କୁ ସେତିକିବେଳେ ସଫଳ ନିବେଶକ ବୋଲି କୁହାଯିବ ଯେତେବେଳେ ଆପଣଙ୍କ ଆସେଟ୍ ଅର୍ଥବ୍ୟବସ୍ଥାରେ ଅନ୍ୟ ନିବେଶ ତୁଳନାରେ ଦ୍ରୁତ ବେଗରେ ବୃଦ୍ଧି ପାଇବ । ତେଣୁ ଜଣେ ନିର୍ବାଚନ ଲଢୁଥିବା ବିଧାୟକ କେବେ ମଧ୍ୟ ଉତ୍ତମ ନିବେଶକ ରୋଲ୍ ମଡେଲ ନୁହନ୍ତି । କାରଣ ଦେଶର ଅଧିକାଂଶ ବିଧାୟକ ଜମି କିଣିବାରେ ନିଜ ପୁଂଜି ଖଟାଇଥାନ୍ତି ।
ବିଧାୟକଙ୍କ ସମ୍ପତ୍ତି ସେହି ସମୟରେ ବଢିଥାଏ ଯେତେବେଳେ ରିୟଲ ଇଷ୍ଟେଟ୍ ବଜାରର ଚାହିଦା ଥାଏ । ସେନସେକ୍ସ ଓ ସ୍ୱର୍ଣ୍ଣ ବଜାର ମାମୁଲି ରିଟର୍ଣ୍ଣ ଦେବା ବେଳେ ରିୟଲ ଇଷ୍ଟେଟ୍ ଭଲ ରିଟର୍ଣ୍ଣ ଦେିଥାଏ । ମହାରାଷ୍ଟ୍ର, ତେଲେଙ୍ଗାନା, ମଧ୍ୟପ୍ରଦେଶ, ଓଡ଼ିଶା ଭଳି ରାଜ୍ୟରେ ଗତ ଦୁଇ ନିର୍ବାଚନ ବେଳେ ରିୟଲ ଇଷ୍ଟେଟ୍ ବଜାର ଭଲ ରିଟର୍ଣ୍ଣ ଦେଉଥିଲା । ଅନ୍ୟପକ୍ଷରେ ସେହି ସମୟରେ ଶେୟାର ବଜାର ମାମୁଲି ରିଟର୍ଣ୍ଣ ଦେଉଥିଲା । ଓଡ଼ିଶାରେ ଏହି ସମରେ ରିୟଲ ଇଷ୍ଟେଟ୍ ୧୩୩.୬ ପ୍ରତିଶତ ଅଧିକ ରିଟର୍ଣ୍ଣ ଦେଇଥିଲା । ଏହି ସବୁ ରାଜ୍ୟ ମଧ୍ୟରୁ ଓଡ଼ିଶାର ବିଧାୟକ ମାନେ ରିୟଲ ଇଷ୍ଟେଟରେ ସର୍ବାଧିକ ନିବେଶ କରନ୍ତି ବୋଲି ଏଡିଆର ରିପୋର୍ଟ କହୁଛି । କିନ୍ତୁ ବିଶେଷଜ୍ଞଙ୍କ ଅନୁସାରେ ବିଧାୟକଙ୍କ ଅନୁସରଣ ନକରି ଯଦି ଆପଣ ସେୟାର ମାର୍କେଟରେ ଅଧିକ ନିବେଶ କରିବେ ତେବେ ଅଧିକ ରିଟର୍ଣ୍ଣ ପାଇବେ । ଅର୍ଥାତ ଆପଣ ବିଧାୟକଙ୍କ ତୁଳନାରେ କମ ସମୟରେ ଅଧିକ ଆସେଟ୍ ତିଆରି କରିପାରିବେ ।
