![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ପୂର୍ବ ଲଦ୍ଦାଖରେ ଚୀନର କୌଣସି ପ୍ରକାରର ଚାଲବାଜିର ଉତ୍ତର ଦେବାକୁ ଭାରତୀୟ ସେନା ସେଠାରେ ନିଜର ଏକ ବିଶେଷ ୟୁନିଟକୁ ମୁତ୍ତୟନ କରିଛି । ଚୀନ ସେନାକୁ ମୁହଁତୋଡ ଜବାବ ଦେବାକୁ ଭାରତୀୟ ସେନା କେଇ ମାସ ତଳେ ପୂର୍ବ ଲଦ୍ଦାଖ ଅଂଚଳର ବାସ୍ତବିକ ନିୟନ୍ତ୍ରଣ ରେଖା –ଏଲଏସିର ଉତ୍ତର କମାଣ୍ଡ ଅଂଚଳରେ ଆତଙ୍କବାଦ ବିରୋଧୀ ଅଭିଯାନର ନିୟୋଜିତ ଥିବା ୟୁନିଟକୁ ମୁତ୍ତୟନ କରିଛି ।
ଆତଙ୍କବାଦ ନିରୋଧୀ ୟୁନିଟକୁ ଆଭ୍ୟନ୍ତରୀଣ ଅଂଚଳରୁ ହଟାଇ ଲଦାଖ ସେକ୍ଟରରେ ମୁତ୍ତୟନ କରାଯାଇଛି । ସେନା ସୂତ୍ରରୁ ପ୍ରକାଶ ଯେ, ଚୀନର କୌଣସି ପ୍ରକାରର ଆକ୍ରମଣାତ୍ମକ ଆଭିମୁଖ୍ୟର ଉତ୍ତର ଦେବାକୁ ଗୋଟିଏ ୟୁନିଟ (ପ୍ରାୟ ୧୫ହଜାର ସୈନିକ)କୁ ଲଦ୍ଦାଖ କ୍ଷେତ୍ରରେ ମୁତ୍ତୟନ କରାଯାଇଛି ।
![After 2nd paragraph post ads](http://risingodisha.in/wp-content/uploads/2023/08/728.jpg)
![Middle post content](http://risingodisha.in/wp-content/uploads/2023/08/website-1-e1691833471554.jpg)
ଏହି ୟୁନିଟ୍ ମୁତ୍ତୟନ ହେବା ପରେ ସେନାକୁ ଉତ୍ତର କମାଣ୍ଡରେ ଅନ୍ୟ ଗତିବିଧି ସଂଚାଳନ କରିବାକୁ ଅତିରିକ୍ତ ସାହାଯ୍ୟ ମିଳିଛି । ସୁଗର ସେକ୍ଟରରେ ମୁତୟନ ସୈନିକ ଉଚ୍ଚ ପର୍ବତରେ ଯୁଦ୍ଧ ଲଢିବା ପାଇଁ ପ୍ରଶିକ୍ଷିତ । ସେମାନେ ମଧ୍ୟ ପ୍ରତି ବର୍ଷ ଲଦ୍ଦାଖର ଶିତଳ ମରୁଭୂମିରେ ଯୁଦ୍ଧାଭ୍ୟାସ କରିଥାନ୍ତି । ପୂର୍ବ ଲଦ୍ଦାଖରେ ଉତ୍ତେଜନା ବଢିବା ସହିତ ଗତ ବର୍ଷଠାରୁ ସେମାନେ ଚୀନ୍ ସହ ଗତିରୋଧରେ ସକ୍ରିୟ ଭୂମିକା ନିର୍ବାହ କରୁଛନ୍ତି ।
ପୂର୍ବ ଲଦ୍ଦାଖରେ ୫୦ ହଜାର ସୈନିକ
ଭାରତ ପୂର୍ବ ଲଦ୍ଦାଖରେ ୫୦ ହଜାର ସୈନିକ ମୁତ୍ତୟନ କରିଛି । ଏହା ସହିତ ସେଠାରେ ନିଜ ଶକ୍ତିକୁ ଦ୍ୱିଗୁଣିତ କରିବାକୁ ଉଦ୍ୟମ କରିଛି । ଚୀନର ଆକ୍ରାମକ ଆଭିମୁଖ୍ୟକୁ ଦେଖି ଲେହରେ ୧୪ କର୍ପସ ପାଖରେ ଏବେ ଦୁଇଟି ଡିଭିଜନ୍ ମୁତ୍ତୟନ ହୋଇଛି । ଏହି ଦୁଇ ଡିଭିଜନ୍ କାରୁ ସ୍ଥିତ ତିନି ଡିଭିଜନ ସହିତ ମିଶି ଏଲଏସିର ସୁରକ୍ଷା ଦାୟିତ୍ୱ ସମ୍ଭାଳୁଛନ୍ତି । କିଛି ଅତିରିକ୍ତ ସାଂଜୁଆ ଗାଡି ୟୁନିଟକୁ ସେଠାରେ ମୁତ୍ତୟନ କରାଯାଇଛି । ସୂଚନାଯୋଗ୍ୟ ଯେ, ଉକ୍ତ ଅଂଚଳରେ ଗତ ବର୍ଷ ଚୀନ ସୈନିକଙ୍କ ଗତିବିଧି ବୃଦ୍ଧି ପାଇଥିଲା । ୨୦୨୦ ଏପ୍ରିଲ-ମେ’ରେ ଚୀନ ସୈନିକ ପୂର୍ବ ଲଦ୍ଦାଖରେ ଅନୁପ୍ରବେଶ କରିଥିଲେ ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)