ଯେତେବେଳେ ବି ଆପଣ କୌଣସି ପାସେଞ୍ଜର ପ୍ଲେନରେ ବସିଥିବେ ଆପଣଙ୍କ ମନକୁ ଗୋଟିଏ ପ୍ରଶ୍ନ ଆସିଥିବା ଯେ, ସବୁ ଯାତ୍ରୀବାହି ବିମାନର ରଙ୍ଗ କାହିଁକି ଧଳା ହୋଇଥାଏ ? ଆପଣ କେବେ ମଧ୍ୟ କୌଣସି ବି ଏୟାରଲାଇନ୍ସର ଯାତ୍ରୀବାହି ବିମାନକୁ ଅଲଗା ରଙ୍ଗରେ ଦେଖିନଥିବେ । ତେଣୁ ଏହି ପ୍ରଶ୍ନ ମନକୁ ଆସିବା ସ୍ୱଭାବିକ ଯେ, କ’ଣ ପାଇଁ କୌଣସି ଏୟାରଲାଇନ୍ସ ଅଲଗା ରଙ୍ଗର ବିମାନ ବ୍ୟବହାର କରନ୍ତି ନାହିଁ । ଆସନ୍ତୁ ଜାଣିବା ଏହାର ଉତ୍ତର ।
ଗୋଟିଏ ସମୟରେ ବିମାନର ରଙ୍ଗ ଥିଲା କଳା
ଏବେ ଆପଣ ଯେଉଁ ପାସେଞ୍ଜର ପ୍ଲେନକୁ ଧଳା ରଙ୍ଗରେ ଦେଖୁଛନ୍ତି ଗୋଟିଏ ସମୟରେ ତାହାର ରଙ୍ଗ କଳା ଥିଲା । ଧଳା ରଙ୍ଗର ପାସେଞ୍ଜର ପ୍ଲେନ୍ ସେତେବେଳ ଅସାଧାରଣ ଥିଲା । ବିମାନ ଚଳାଚଳ ଆରମ୍ଭ କାଳରେ ପାନ୍ ଆମେରିକାନ ଭଳି ଏୟାରଲାଇନ୍ସ କଳା ରଙ୍ଗର ବିମାନ ଉଡାଉଥିଲେ ।
ଏଥିପାଇଁ ବଛା ଯାଇଥିଲା ମେଟାଲ ପ୍ଲେନ୍
ଧଳା ପ୍ଲେନ୍ ସ୍ଥାନରେ କଳା ରଙ୍ଗର ମେଟାଲ ପ୍ଲେନକୁ କାହିଁକି ବଛାଯାଇଥିଲା ? ଏହାର ଉତ୍ତର ହେଉଛି ଯେ, ରଙ୍ଗ କରାଯାଇଥିବା କୌଣସି ପ୍ଲେନର କିଛି ଭାଙ୍ଗିଗଲେ କିମ୍ବା କ୍ରାକ୍ ଆସିଲେ ତାହା ସହଜରେ ନଜର ଆସିବ ନାହିଁ । କିନ୍ତୁ ମେଟାଲ ପ୍ଲେନର ଅନବୋର୍ଡରେ କୌଣସି ସମସ୍ୟା ଆସିଲେ ତାକୁ ଜାଣିବା ଓ ଠିକ୍ କରିବା ସହଜ ହେବ । ତେବେ ଏହି କଳା ରଙ୍ଗର ପ୍ଲେନକୁ କିଛି ଦିନ ପରେ ବାହାର କରିଦିଆଯାଇଥିଲା । ଏଗୁଡିକ ସ୍ଥାନରେ ଧଳା ରଙ୍ଗର ପ୍ଲେନକୁ ଅଣା ଯାଇଥଇଲା । ଏହା ସହିତ ଧଳା ରଙ୍ଗ ତୁଳନାରେ କଳା ରଙ୍ଗ କରିବା ଅଧିକ ଖର୍ଚ୍ଚ ବହୁଳ ଥିଲା ।
ସୂର୍ଯ୍ୟ କିରଣରେ ସଫା ଦେଖାଯାଏ
ମେଟାଲ ପ୍ଲେନକୁ କଳା ରଙ୍ଗ କରିବା ଦ୍ୱାରା କେବଳ ଖର୍ଚ୍ଚ ବଢୁନଥିଲା ଆହୁରି ମଧ୍ୟ ଏହାର ଓଜନ ବଢୁଥିଲା । ବୋଇଁ ୭୪୭ ଭଳି ପ୍ଲେନକୁ କଳା ରଙ୍ଗ କରିବା ଦ୍ୱାରା ଅନେକ କିଲୋ ରଙ୍ଗ ଖର୍ଚ୍ଚ ହେଉଥିଲା । ଏହା ସହିତ ଏହାର ଓଜନରେ ୨୫୦ କିଲୋଗ୍ରାମ ବୃଦ୍ଧି ଘଟୁଥିଲା । ବିମାନ କମ୍ପାନୀ ଏହା ଭାବିଲେ ଯେ, ରଙ୍ଗ କଳା ହେଲେ ଓଜନ ବଢୁଛି । ଏହା ସହିତ ଧଳା ରଙ୍ଗ ସୂର୍ଯ୍ୟ କିରଣକୁ ସଠିକ ଭାବେ ରିଫ୍ଲେଟ୍ କରିଥାଏ ଓ ବିମାନର ବୟସ ମଧ୍ୟ ବଢାଇଥାଏ । ଅନ୍ୟ ରଙ୍ଗ ଶୀଘ୍ର ଫିକା ପଡୁଥଇବା ବେଳେ ଧଳା ରଙ୍ଗ ସହଜରେ ଉଡେ ନାହିଁ ।
କିଛି ରଙ୍ଗୀନ ବିମାନ
ତେବେ ଏମିତି ନୁହେଁ ଯେ, ସବୁ ଏୟାର ଲାଇନ୍ସ ଧଳା ରଙ୍ଗର ବିମାନ ବ୍ୟବହାର କରନ୍ତି । ଏଠି ନେଦରଲ୍ୟାଣ୍ଡର କେଏଲଏମ ନ୍ୟାସନାଲ ଏୟାର ଲାଇନ୍ସକୁ ଉଦାହରଣ ଭାବେ ନିଆଯାଇପାରେ । ଏହାର ବିମାନର ଉପରେ ହାଲୁକ ନାରଙ୍ଗୀ ରଙ୍ଗ ରହିଥାଏ । ଏହା ସହିତ ସାଉଥ ୱେଷ୍ଟ୍ ଏୟାର ଲାଇନ୍, ଯାହାକି ଦୁନିଆର ସବୁଠାରୁ ଶସ୍ତା ଏୟାରଲାଇନ୍ସ ଭାବେ ପରିଚିତ, ତା’ର ବିମାନକୁ ସୁନେଲି, ନୀଳ ଓ କଳା ରଙ୍ଗରେ ରଙ୍ଗେଇ ଥାଏ ।
