ଆଜିକାଲି ପ୍ରତ୍ୟେକଦିନ ସୋସିଆଲ ମିଡିଆରେ ଅଜବ ଅଜବ ଭିଡ଼ିଓ ଦେଖିବାକୁ ପାଉଛନ୍ତି । ଯାହାକୁ ଦେଖିଲେ ବି ବିଶ୍ୱାସ କରିବା ସମ୍ଭବ ହୁଏନାହିଁ । ଏବେ ସେମିତି ଏକ ଭିଡ଼ିଓ ଭାଇରାଲ ହେଉଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ଜଣେ ଯୁବତୀ ନିଜ ମୁଣ୍ଡରେ ତିଆରି କରିଛନ୍ତି ଆକ୍ୱାରିୟମ । ସେତିକି ନୁହେଁ ମୁଣ୍ଡ ଉପରେ ରଙ୍ଗୀନ ମାଛ ପହଁରୁଥିବା ବି ଦେଖିବାକୁ ମିଳିଛି । ଯୁବତୀ ଜଣକ ଏପରି କରି ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ମୁଣ୍ଡ ଉପରେ ଖେଳୁଛନ୍ତି ରଙ୍ଗୀନ ମାଛ
ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଜଣେ ଯୁବତୀ ଚେୟାରରେ ବସି ଏକ ବଡ ସେଲୁନରେ ଫୋନ୍ ଦେଖୁଛନ୍ତି । ଏଥି ସହିତ, ସେଲୁନର ଦୁଇଜଣ କେଶ କଳାକାର ମହିଳାଙ୍କ ମୁଣ୍ଡରେ ଜେଲ୍ କିମ୍ବା ମହମ ଭଳି କିଛି ପ୍ରୟୋଗ କରୁଛନ୍ତି । ପରେ ଏଥିରେ ଏକ ପୋଖରୀ ପରି ଆକୃତି ଦେଉଛନ୍ତି । ଯେତେବେଳେ ଏହା ଟିକେ ଶୁଖିଯାଏ, ସେମାନେ ଏଥିରେ ପାଣି ଢ଼ାଳନ୍ତି । ପରେ ତାହା ଭିତରେ କିଛି ଛୋଟ ଛୋଟ ମାଛ ମଧ୍ୟ ରଖନ୍ତି । ମାଛଗୁଡ଼ିକ ମୁଣ୍ଡରେ ଖେଳିବାକୁ ଆରମ୍ଭ କରନ୍ତି । ଏହି ରୋଚକ ଭିଡିଓ ଇନଷ୍ଟାଗ୍ରାମରେ ଫାୟାର ହର୍ମିଡିଆ ନାମକ ଏକ ଆକାଉଣ୍ଟରେ ସେୟାର କରାଯାଇଥିଲା । ଏହି ଭିଡ଼ିଓକୁ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଥିଲେ । କେହି ଏହାକୁ ଥଟା ବୋଲି କହିଥିବାବେଳେ ଆଉ କିଛି ଯୁବତୀ ଜଣକ କିପରି କେଶ ଧୋଇବେ? କିଛି ଉପଭୋକ୍ତା ଏହାକୁ ମୂର୍ଖତା ଏବଂ କେହି କେହି ଏହାକୁ ଅଦ୍ଭୁତ ବୋଲି କହିଥିଲେ ।
