![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ନୂଆଦିଲ୍ଲୀ: ୨ ହଜାର ଟଙ୍କିଆ ନୋଟର ବଦଳି ଅବଧି ଶେଷ ହୋଇଯାଇଛି । କିନ୍ତୁ ଏବେ ବି ବହୁ ୨ ହଜାର ଟଙ୍କା ନୋଟ ବଜାରରେ ଉପଲବ୍ଧ ରହିଛି । ବର୍ତ୍ତମାନ ବଜାରରେ ୧୦ ହଜାର କୋଟି ଟଙ୍କାର ୨୦୦୦ ଟଙ୍କିଆ ନୋଟ ମହଜୁଦ ଅଛି । ଖୁବ ଶୀଘ୍ର ଏହି ନୋଟଗୁଡିକ ଫେରି ଆସିବ ବୋଲି ଦୃଢ଼ ଆଶା ରଖିଛନ୍ତି ଭାରତୀୟ ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
୮୭ ପ୍ରତିଶତ ହୋଇଛି ଫେରସ୍ତ
![After 2nd paragraph post ads](http://risingodisha.in/wp-content/uploads/2023/08/728.jpg)
ଆରବିଆଇ ଚଳିତ ବର୍ଷ ମେ ୧୯ ତାରିଖରେ ପ୍ରଚଳନ ହେଉଥିବା ୨୦୦୦ ଟଙ୍କିଆ ନୋଟକୁ ଫେରସ୍ତ ନିମନ୍ତେ ଘୋଷଣା କରିଥିଲା । ସେପ୍େଟମ୍ବର ୩୦ ତାରିଖ ସୁଦ୍ଧା ଏହାକୁ ଫେରସ୍ତ କରିବା ପାଇଁ ମଧ୍ୟ କୁହାଯାଇଥିଲା । ପରେ ଏହାକୁ ଅକ୍ଟୋବର ୭ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ସମସ୍ତ ଉଦ୍ୟମ ସତ୍ତ୍ୱେ ୧୦ ହଜାର କୋଟି ଟଙ୍କାର ନୋଟ ଏବେ ବି ଫେରସ୍ତ ହୋଇ ନାହିଁ । ଏ ପର୍ଯ୍ୟନ୍ତ ୮୭ ପ୍ରତିଶତ ୨୦୦୦ ନୋଟ ବ୍ୟାଙ୍କ ଜମା ରୂପେ ଫେରସ୍ତ ମିଳିସାରିଛି । ସୂଚନାଯୋଗ୍ୟ, ୨୦୧୬ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫୦୦ ଓ ୧୦୦୦ ଟଙ୍କା ନୋଟ ପ୍ରଚଳନକୁ ବନ୍ଦ କରିବା ପାଇଁ କହିଥିଲେ । ବଜାରରେ ଏ ନେଇ ଅପ୍ରୀତିକର ପରିସ୍ଥିତି ହେବାରୁ ଏହାକୁ ନିୟନ୍ତ୍ରଣ କରିବା ପାଇଁ ୨୦୦୦ ଟଙ୍କିଆ ନୋଟ ପ୍ରଚଳନ କରାଯାଇଥିଲା । ଏବେ ପୁନର୍ବାର ଏହାକୁ ଫେରାଇନେବା ପାଇଁ ଘୋଷଣା କରାଯାଇଛି ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)