କୁଚିଣ୍ଡା: କୁଚିଣ୍ଡାରେ ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ପାୱାର ଶୋ । ମନ୍ଦିର ଛକରୁ ପଞ୍ଚମୁଖୀ ଛକ, ବସଷ୍ଟାଣ୍ଡ ଦେଇ କଲେଜ ଛକ ପର୍ଯ୍ୟନ୍ତ କରିଛନ୍ତି ବିଶାଳ ବାଇକ ରାଲି । ହଜାର ହଜାର ସଂଖ୍ୟାରେ ଜନସାଧାରଣ ଏହି ବାଇକ୍ ରାଲିରେ ସାମିଲ ହୋଇଥିଲେ । ରାଲି ପରେ କଲେଜ ପଡିଆରେ ଅନୁଷ୍ଠିତ ହୋଇଥିଲା ବିରାଟ କର୍ମୀ ସମ୍ମିଳନୀ । ସମ୍ମିଳନୀରେ ଉପସ୍ଥିତ ଥିଲେ ବିଧାୟକ ପ୍ରାର୍ଥୀ ରାଜେନ୍ଦ୍ର ଛତ୍ରିଆ ।
ସାଢେ ଚାରିକୋଟି ଓଡିଆ ବିଜେଡିର ବଳ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରାକୁ କୁଚିଣ୍ଡା ନିର୍ବାଚନ ମଣ୍ଡଳୀରେ ଆଗେଇ ନେବାକୁ ହେଲେ ଚଳିତ ନିର୍ବାଚନରେ ସାଂସଦ ଏବଂ ବିଧାୟକ ପ୍ରାର୍ଥୀଙ୍କୁ ଦୁଇ ଥର ଶଙ୍ଖଚିହ୍ନରେ ଭୋଟ ଦେବା ପାଇଁ ନିବେଦନ କରଥିଲେ । ଏହି ଅବସରରେ ପ୍ରଣବ ପ୍ରକାଶ କହିଛନ୍ତି, ଯେତେବେଳେ କୁଚିଣ୍ଡା ଯାହା ମାଗିଛି ତାହା ମିଳିଛି । ରାସ୍ତା ଠାରୁ ଆରମ୍ଭ କରି ଆଇଟିଆଇ ପର୍ଯ୍ୟନ୍ତ ଦାବି ପୂରଣ କରାଯାଇଛି । ନୂଆ-ଓ ରେ ଛାତ୍ରବୃତ୍ତି ଦ୍ୱାରା ଏଠିକାର ଲୋକେ ଅନେକ ଉପକାର ପାଇଛନ୍ତି । ପୂର୍ବଥର ଏଠାରେ ଗୋଟିଏ ବିଜେଡିକୁ ଏବଂ ଗୋଟିଏ ବିଜେପିକୁ ଭୋଟ ଦେଇଥିଲେ । ବିଜେପି ସାଂସଦ ୫ ବର୍ଷ ଦେଖାଦେଲେନି । ଓଡିଶା ବିଜେପି ଏବଂ କଂଗ୍ରେସ ପାଇଁ ଗୋଟିଏ ବିନ୍ଦୁ । କିନ୍ତୁ ବିଜୁ ଜନତା ଦଳ ପାଇଁ ଏହା ଏକ ସିନ୍ଧୁ । ସାଢେ ଚାରିକୋଟି ଓଡିଆ ବିଜେଡିର ବଳ ।
କେବଳ ମିଠା ଭାଷଣ ଦେବା ଜାଣିଛନ୍ତି ଧର୍ମେନ୍ଦ୍ର
୧୦ ବର୍ଷ ଧରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ଗାଁ ପାଇଁ କିଛି କରିପାରିଲେ ନାହିଁ । ସେ ରାଜ୍୍ୟ ପାଇଁ ଓ ନିଜ ନିର୍ବାଚନମଣ୍ଡଳି ପାଇଁ କଣ କରିବେ? ସେ କେବଳ ମିଠା ଭାଷଣ ଦେବା ଜାଣିଛନ୍ତି । କେନ୍ଦ୍ର ସରକାର ରାଜ୍ୟରୁ କୋଇଲାରୁ ବର୍ଷକୁ ୨୫ ହଜାର କୋଟି ଟଙ୍କା ଲାଭ ନେଉଛନ୍ତି । ନାଲକୋ ୫ ହଜାର କୋଟି ଲାଭ କରୁଛି । ରେଲୱେ ୧୫ ହଜାର କୋଟି ଟଙ୍କା ଲାଭ କରୁଛି । ବର୍ଷକୁ ୫୦ ହଜାର କୋଟି ରୁ ଅଧିକ ନେଉଛନ୍ତି କେନ୍ଦ୍ର ସରକାର । କେବଳ ଏହି ୪/୫ଟି ନିର୍ବାଚନୀମଣ୍ଡଳିରୁ ଅଢେଇ ଲକ୍ଷ କୋଟି ଟଙ୍କା ନେଇଛନ୍ତି । ହେଲେ ଦେଇଛନ୍ତି କଣ ? ତାଙ୍କୁ ହିସାବ ମାଗନ୍ତୁ ବୋଲି ପ୍ରଶ୍ନ କରିଛନ୍ତି ପ୍ରଣବ । କିନ୍ତୁ ମୁଖ୍ୟମନ୍ତ୍ରୀଙ୍କୁ ହିସାବ ମାଗନ୍ତୁ କଣ ନ ମିଳିଛି । ୫ଟି ସ୍କୁଲ, ମିଶନଶକ୍ତି ପରବର୍ତ୍ତୀସ୍ତରକୁ ଗଲାଣି । ବିଜୁ ଏକ୍ସପ୍ରେସ ୱେ ଏବଂ ୫୫ ନମ୍ବର ଜାତୀୟ ରାଜପଥ ଦେଖନ୍ତୁ । ଗତ ୩ ଦିନ ତଳେ ୩ ଜଣଙ୍କ ଶୋଚନୀୟ ମୃତ୍ୟୁ ହୋଇଛି । ଏଥିରୁ ଜାଣନ୍ତୁ କଣ ବିକାଶ ହୋଇଛି ? ମୁଖ୍ୟମନ୍ତ୍ରୀଙ୍କ ପ୍ରତିବଦ୍ଧତାକୁ ଦେଖନ୍ତୁ । କେନ୍ଦୁପତ୍ର ତୋଳାଳିଙ୍କ ଉପରେ କେନ୍ଦ୍ର ସରକାର ୧୮ ପ୍ରତିଶତ ଜିଏସଟି ଲଗେଇଛନ୍ତି । ଅନେକ ଥର ମୁଖ୍ୟମନ୍ତ୍ରୀ ଛାଡ କରିବା ପାଇଁ ଚିଠି ଲେଖିଛନ୍ତି । କିନ୍ତୁ କିଛି ହେଲାନି । ମୁଖ୍ୟମନ୍ତ୍ରୀ ନିଜେ ରିହାତି ଦେଇଛନ୍ତି, ଝିଅ ବାହାଘର ସହାୟତା ମିଳୁଛି । ସମୟ ଆସିଛି ବିଚାର କରିବା ପାଇଁ ବୋଲି ଜନତାଙ୍କୁ ଆହ୍ୱାନ ଦେଇଛନ୍ତି ପ୍ରଣବ ।
