ପୃଥିବୀ ପାଇଁ ଆଉ ଏକ ବିପଦର କାରଣ ହେଲା ଚୀନ୍, ଆକାଶରୁ ଖସୁଚି ଚୀନ୍ ରକେଟ୍

377

ଚୀନ୍ ମାଲକୁ ଭରସା ନାହିଁ । ଏହା ସମସ୍ତେ କୁହନ୍ତି । ଆଉ ଏହା ସମସ୍ତେ ମଧ୍ୟ ଜାଣନ୍ତି ୨୦୧୯ ପରଠାରୁ ପୃଥିବୀ ଯେଉଁ କରୋନା ନାମକ ବିପଦର ସମ୍ମୁଖୀନ ହେଉଛି ତାହା ସେଇ ଚୀନର ଅବଦାନ । ଚୀନର ବୁହାନ ଲାବରୁ ବାହାରିଥିବା କରୋନା ପୁରା ପୃଥିବୀକୁ ଲକଡାଉନ ଭିତରେ ରହିବାକୁ ବାଧ୍ୟ କରିଥିଲା । ଆଉ ଏବେ ଚୀନ ମାଟିରୁ ଉଡ଼ିଥିବା ଗୋଟିଏ ରକେଟ୍ ପାଇଁ ଏବେ ପୃଥିବୀକୁ ଆତଙ୍କ ଭିତରେ ବଂଚିବାକୁ ପଡିବ । କାରଣ ଚୀନର ସେହି ରକେଟ୍ ମହାକାଶରୁ ତଳକୁ ଖସୁଛି । ଆଉ ଏହା ଯେକୌଣସି ସ୍ଥାନରେ ପଡିପାରେମହାକାଶରୁ ଖସୁଥିବା ଏହି ମହାବିପଦର ଓଜନ ହେଉଛି ୨୧ ଟନ୍ । କଳ୍ପନା କରନ୍ତୁ ୨୧ ଟନ ଓଜନର ଗୋଟିଏ ରକେଟ୍ ଯଦି ପୃଥିବୀ ଉପରେ ପଡେ ତେବେ କ’ଣ ହେବ? ।

କେଉଁଠି ପଡ଼ିବ ରକେଟ୍ ?

ଜ୍ୟୋତିର୍ବିଜ୍ଞାନୀ ଏହାକୁ ନେଇ ଚେତାବନୀ ଦେଇ କହିଛନ୍ତି କି ଏହି ରକେଟର ୩୦ ମିଟରର ଲମ୍ବା ଏକ ଅଂଶ ପୃଥିବୀର ଯେ କୌଣସି ସ୍ଥାନରେ ପଡ଼ିପାରେ । ଏହା ଏତେ ବଡ଼ ଯେ ଯଦି ଏହା କୌଣସି ସହର ଉପରେ ପଡ଼େ ତେବେ ସେହି ସହର ପୂରାପୁରି ଧ୍ୱଂସ ହୋଇଯିବ । ଏହି ଚାଇନିଜ୍ ରକେଟର ଓଜନ ତିନୋଟି T-Rex ଡାଇନୋସର ସହିତ ସମାନ । ତେବେ ବର୍ତ୍ତମାନ ବିଶେଷଜ୍ଞମାନେ ଏହି ରକେଟର ଦିଗ ଖୋଜିବାକୁ ଚେଷ୍ଟା କରୁଛନ୍ତି । ଯଦି ସମ୍ଭବ ହୁଏ ତେବେ ଏହାର ଦିଗ ପରିବର୍ତ୍ତନ କରିବାକୁ ଚେଷ୍ଟା କରାଯିବ ବୋଲି କହିଛନ୍ତି ବିଶେଷଜ୍ଞ ।

ଗତ ସପ୍ତାହରେ ହୋଇଥିଲା ଲଂଚ୍

ଚୀନ ଏହି ରକେଟକୁ ରବିବାର ଉତକ୍ଷେପଣ କରିଥିଲା ଚୀନ୍ ହେନାନ୍ ସ୍ଥିତ ବେନଚାଙ୍ଗ୍ ଲଂଚି ପ୍ୟାଡରୁ ଏହି ରକେଟକୁ ଲଂଚ୍ କରିଥିଲା । ସୌରଶକ୍ତିରେ ପରିଚାଳିତ ଏକ ଲ୍ୟାବକୁ ନେଇ ଏହି ରକେଟ୍ ଉଡା଼ଣ ଭରିଥିଲା । କକ୍ଷପଥରେ ପହଞ୍ଚିବା ପରେ ଏହା ସ୍ପେସ୍ ଷ୍ଟେସନରୁ ବିଚ୍ଛିନ୍ନ ହୋଇ ମହାକାଶରେ ଖଣ୍ଡ ଖଣ୍ଡ ହୋଇଯାଇଥିଲା । ଜ୍ୟୋତିର୍ବିଜ୍ଞାନୀ ଜୋନାଥନ ମ୍ୟାକଡୋୱେଲ ଚେତାବନୀ ଦେଇଛନ୍ତି ଯେ ଏହି ରକେଟ କେବେ ଓ କେଉଁଠାରେ ପଡ଼ିବ ତାହା ଏପର୍ଯ୍ୟନ୍ତ ଜଣାପଡ଼ି ନାହିଁ । କିନ୍ତୁ ଏହା ଯେଉଁଠାରେ ବି ପଡ଼ିବ ସେ ସ୍ଥାନ ସମ୍ପୂର୍ଣ୍ଣ ଧ୍ୱଂସ ହେବ ବୋଲି ସେ ଚେତାବନୀ ଦେଇଛନ୍ତି ।ଚୀନ ତା’ର ରକେଟ୍ କାର୍ଯ୍ୟକ୍ରମରେ ଦାୟିତ୍ୱବାନ ନୁହେଁ ବ ବୋଲି ଆମେରିକା ଅଭିଯୋଗ କରୁଛି । ମହାକାଶ ଅବର୍ଜନା ବୃଦ୍ଧିରେ ଚୀନର ଅଧିକ ହାତ ରହିଛି ବୋଲି ଆମେରିକା ଅଭିଯୋଗ କରି ଆସୁଛି । ଚୀନ ରକେଟ୍ ତିଆରି କରିବାରେ ଯେଉଁ ଅନ୍ତରାଷ୍ଟ୍ରୀୟ ମାନକର ବ୍ୟବସ୍ଥା ରହିଛି ତାକୁ ମାନୁ ନାହିଁ ବୋଲି କୁହାଯାଉଛି

ଲଞ୍ଚିଂ କାଳରେ ବିସ୍ଫୋରଣ

ଚୀନର ଏହି ରକେଟ୍ ଲଂଚି କାଳରେ ବିସ୍ଫୋରଣ କାରଣରୁ ନଷ୍ଟ ହୋଇ ଯାଇଥିଲା । ଆଗାମୀ ସମୟରେ ଏହାର ଭଗ୍ନାବଶେଷ ପୃଥିବୀର ପରିକ୍ରମା କରିବ । ପୃଥିବୀକୁ ପରିକ୍ରମା କରିବାର କିଛିଦିନ ପରେ ଏହା ଭୂପୃଷ୍ଟ ଆଡ଼କୁ ଗତି କରିବବିଶେଷଜ୍ଞଙ୍କ ଅନୁସାରେ ଫ୍ଲାଇଟ୍ ରାସ୍ତାରେ ଅନେକ ମୁସ୍କିଲ ଆସିଛିକାରଣ ସୂର୍ଯ୍ୟର ଗତିବିଧିରେ ପରିବର୍ତ୍ତନ କାରଣରୁ ପରିବେଶରେ ମଧ୍ୟ ଅନେକ ଉତ୍ଥାନ ପତନ ଦେଖିବାକୁ ମିଳିଛି । ବିଶେଷଜ୍ଞଙ୍କ ଅନୁସାରେ ଚୀନ ରକେଟ ସହିତ ସବୁଠାରୁ ବଡ଼ ସମସ୍ୟା ହେଉଛି ଲଂଚ ପ୍ରକ୍ରିୟା ଓ ଏହାର ଡିଜାଇନ । ତେବେ ଚୀନ୍ ଏହି ସବୁ ଅଭିଯୋଗକୁ ଖଣ୍ଡନ କରୁଛି । ଚୀନ କହୁଛି ଯେ, ଆମେ ରକେଟ୍ କାର୍ଯ୍ୟକ୍ରମରେ ଆବଶ୍ୟକ ସତର୍କତା ଅବଲମ୍ବନ କରୁଛୁ । ରକେଟ୍ ପୃଥିବୀରେ ପଡିବା ଦ୍ୱାରା କାହାର ମଧ୍ୟ କିଛି କ୍ଷତି ହେବ ନାହିଁ ।

Leave A Reply

Your email address will not be published.

Close Bitnami banner
Bitnami