ଏହି କାରକୁ ଥରେ ଚାର୍ଜ୍ କଲେ ୭ ମାସ ଦୌଡ଼ିବ !

325

ଇଲେକ୍ଟ୍ରିକ୍ କାର୍ ପରେ ଏବେ ଖୁବ୍ ଶୀଘ୍ର ଲଞ୍ଚ୍ ହେବାକୁ ଯାଉଛି ସୋଲାର ଶକ୍ତି ଦ୍ୱାରା ଚାଳିତ କାର୍ । ପରିବେଶ ସୁରକ୍ଷା ପାଇଁ ଜୀବାଶ୍ମ ଇନ୍ଧନର ବିକଳ୍ପ ରୂପରେ ଏହି କାର୍ ବଜାରକୁ ଆସିବ । ପେଟ୍ରୋଲ ଓ ଡିଜେଲ୍ ଦ୍ୱାରା ଚାଳିତ କାର୍ ରୁ ବାହାରୁଥିବା ଧୂଆଁ ପରିବେଶକୁ ପ୍ରଦୂଷିତ କରୁଛି । ପ୍ରଦୂଷଣ କମାଇବା ପାଇଁ ଏହାର ବିକଳ୍ପ ରୂପରେ କାର୍ କମ୍ପାନୀଗୁଡିକ ପରିବେଶ ଅନୁକୂଳ କାର୍ ନିର୍ମାଣ ଦିଗରେ କାର୍ଯ୍ୟ କରୁଛନ୍ତି । ପୂର୍ବରୁ ଇଲେକ୍ଟ୍ରି କାର୍ ଏବଂ ସିଏନଜି କାର୍ ବଜାରକୁ ଆସିସାରିଛି । ଏହି କ୍ରମରେ ଖୁବଶୀଘ୍ର ସୌର ଶକ୍ତି ଦ୍ୱାରା ଚାଳିତ କାର୍ ଲଞ୍ଚ୍ ହେବାକୁ ଯାଉଛି । ଡଚ୍ କମ୍ପାନୀ ଲାଇଟ୍ ଇୟର ଅନୁସାରେ ସେମାନେ ଏପରି ଏକ କାର୍ ତିଆରି କରିବାକୁ ଯାଉଛନ୍ତି ଯେଉଁଥିରେ ସୌର ଶକ୍ତି ପାଇଁ ପ୍ୟାନେଲ୍ ଥିବ । ଚଳିତ ବର୍ଷ ନଭେମ୍ବରରେ ୟୁରୋପରେ ଆୟୋଜିତ ହେବାକୁ ଥିବା ଅଟୋ ଏକ୍ସପୋ’ରେ ଏହି କାର ବିଶ୍ୱ ସାମ୍ନାକୁ ଆସିବ ।

ବିଶ୍ୱରେ ବର୍ତ୍ତମାନ କୋଟି କୋଟି ସଂଖ୍ୟାରେ ଜୀବାଶ୍ମ ଇନ୍ଧନ ଦ୍ୱାରା ଚାଳିତ କାର୍ ଚାଲୁଛି । ଏପରି ସ୍ଥିତିରେ ବୈକଳ୍ପିକ ଇନ୍ଧନ ଦ୍ୱାରା ଚଳାଇବା ପାଇଁ ଏହି ସମସ୍ତ ଗାଡିରେ ନୂଆ ଜ୍ଞାନକୌଶଳ ଅନୁଯାୟୀ ପରିବର୍ତ୍ତନ କରାଯିବାର ଆବଶ୍ୟକତା ରହିଛି ପୂରୁଣା ଗାଡିକୁ ନୂଆ ଗାଡି ସହିତ ବଦଳାଇବା ଅଧିକ ଲମ୍ବା ଏବଂ ଖର୍ଚ୍ଚାନ୍ତ କାର୍ଯ୍ୟ ହେବ । ଏପରି ସ୍ଥିତିରେ ସୌର ଶକ୍ତି ଦ୍ୱାରା କାର୍ କୁ ଚଳାଇବା ଏକ ଉତ୍ସାହଜନକ ବିଚାର ଅଟେ ଯାହା ଇଲେକ୍ଟ୍ରିକ୍ କାର୍ ରେ ଉପୁଜୁଥିବା ଅନେକ ସମସ୍ୟାରୁ ମୁକ୍ତି ଦେବ । ଲାଇଟ ଇୟର କାର୍ ରେ କର୍ଭଡ ସୌର ପ୍ୟାନେଲ୍ ଏହାର ରୁଫ୍ ଉପରେ ରହିବ ଯାହାକି ବିଦ୍ୟୁତ ବ୍ୟାଟେରୀ ସହ ଯୋଡ଼ି ହୋଇଥିବ ଯଦ୍ୱାରା କାର୍ ଚାଲିବ । କମ୍ପାନୀର କହିବା ଅନୁଯାୟୀ ଏହି କାର୍ ଗୋଟିଏ ଥରରେ ୩୮୮ ମାଇଲ୍ ଦୂର ପର୍ଯ୍ୟନ୍ତ ଚାଲିପାରିବ । ଯେଉଁଥିରେ ଅତିରିକ୍ତ ୪୪ମାଇଲ୍ ପ୍ରତିଦିନର ଯାତ୍ରାରେ କେବଳ ସୌର ଶକ୍ତିରୁ ମିଳିବ ଏହା ଟେସ୍ଲାର ମଡେଲ ୩ କାର୍ (୩୭୪ ମାଇଲ୍) ଠାରୁ ଟିକେ ଉନ୍ନତ ଅଟେ ଏବଂ କିୟା ନ୍ୟାରୋ ଲଙ୍ଗ୍ ରେଞ୍ଜ (୨୮୫ ମାଇଲ୍) ତୁଳନାରେ ଅଧିକ ଉତ୍ତମ ରହିବ ।

ଲାଇଟ ଇୟରର ମୁତାବକ ପ୍ରତି ଘଣ୍ଟାରେ ସୂର୍ଯ୍ୟଠୁ ମିଳୁଥିବା ଶକ୍ତି ଦ୍ୱାରା ଏହି କାରର ବ୍ୟାଟେରୀ ୬ମାଇଲ୍ ପର୍ଯ୍ୟନ୍ତ ଚାର୍ଜ ହେବ । ଏହା ଲମ୍ବା ଯାତ୍ରାରେ ବହୁତ ଉପଯୋଗୀ ପ୍ରମାଣିତ ହେବ । ସୌର ଶକ୍ତି କାରଣରୁ ଚାର୍ଜିଂ ପଏଣ୍ଟରେ କମ୍ ସମୟ ବିତାଇବା ପାଇଁ ପଡିବ ଏବଂ ଏହାର ଆବଶ୍ୟକତା ମଧ୍ୟ ନପଡିପାରେ ।

କମ୍ପାନୀ କହିବା ଅନୁଯାୟୀ ଅଧିକ ସୂର୍ଯ୍ୟାଲୋକ ପାଉଥିବା ଦେଶରେ ଯଦି ଆପଣ ପ୍ରତିଦିନ ୨୨ ମାଇଲ୍ ଠାରୁ କମ୍ ବାଟ ଯାଉଥାନ୍ତି ତେବେ କାର୍ କୁ ଚାର୍ଜ କରିବା ପାଇଁ ୭ ମାସ ପର୍ଯ୍ୟନ୍ତ ଆବଶ୍ୟକତା ପଡିବ ନାହିଁ । ସେହିପରି ନେଦରଲ୍ୟାଣ୍ଡ ଭଳି ଜଳବାୟୁ ଥିବା ଦେଶରେ କାର୍ କୁ ଦୁଇମାସ ପର୍ଯ୍ୟନ୍ତ ଚାର୍ଜିଂର ଆବଶ୍ୟକତା ପଡିବ ନାହିଁ । ଇଲେକ୍ଟ୍ରିକ୍ କାର୍ ର ପ୍ରାରମ୍ଭିକ ପର୍ଯ୍ୟାୟରେ ଯେତବେଳେ ଚାର୍ଜିଂ ଷ୍ଟେସନ କମ୍ ରହିଛି ସେତେବେଳେ ଏହା ଏକ ଉତ୍ତମ ବିକଳ୍ପ ହେବାକୁ ଯାଉଛି ।

ଦୁଇବର୍ଷ ପୂର୍ବେ ଲଞ୍ଚ୍ ହୋଇଥିବା ଲାଇଟଇଅର ଓ୍ୱାନ ଓ ଲାଇଟଇଅର ଜିରୋ କାର୍ ର ପ୍ରୋଟୋଟାଇପରେ ବହୁତ ସମାନତା ରହିଛି । କିନ୍ତୁ ଏହାର ବ୍ୟାଟେରୀ ତାର ମୁକାବିଲାରେ ବହୁତ ଛୋଟ । ଏହି କାର୍ ର ଓଜନ ୧୫୫୭ କିଲୋଗ୍ରାମ ରହିଛି । ଏହିପରି ଅନ୍ୟ କାର୍ ୪୦ ପ୍ରତିଶତ ଓଜନିଆ ରହିଥାଏ ।

ଏମିତି ନୁହେଁକି ଅନ୍ୟ କମ୍ପାନୀ ସୌର ପ୍ୟାନେଲ ଥିବା କାର୍ ବିକଶିତ କରୁନାହାନ୍ତି, କିନ୍ତୁ ସେଗୁଡିକ ମଧ୍ୟରୁ କେହି ବି ବଜାର ପାଇଁ ପ୍ରସ୍ତୁତ ନାହାନ୍ତି । କାର୍ କମ୍ପାନୀ ସୋନୋ ସିଓନ ଲକ୍ଷ୍ୟ ରଖିଛି ୨୦୨୩ ସୁଦ୍ଧା ବଜାରରେ ପ୍ରବେଶ କରିବ ଏବଂ ସୌର ଶକ୍ତି ଦ୍ୱାରା ୧୦ ମାଇଲ୍ ପ୍ରତିଦିନ ଚାଲିବ ବୋଲି ଦାବି କରିଛି । ଅପଟେରା ନେବର ଚାର୍ଜ ତିନି ଚକିଆ ଭବିଷ୍ୟ କାର୍ ଅଟେ ଯାହା ସମ୍ପର୍କରେ କମ୍ପାନୀ ଦାବି କରିଛି ଯେ ତାହା ୪୦ ମାଇଲ ରାସ୍ତା ଯିବା ପାଇଁ ସୌର ଶକ୍ତି ହାସଲ କରିପାରିବ । ଏହି କାର୍ କିଣିବା ପାଇଁ ୨୪ ହଜାର ପଞ୍ଜିକରଣ ମଧ୍ୟ ହୋଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି । ଲାଇଟଇଅର ଜିରୋ କାର୍ ର ପୂର୍ବ ସ୍ଥିତିରେ ଇଲେକ୍ଟ୍ରିକ୍ କାର୍ ର ଜ୍ଞାନକୌଶଳ କୁ ଉନ୍ନତ କରିବା ଏବଂ ଏହାର ଚାର୍ଜିଂ କ୍ଷମତାକୁ କମ୍ କରିବା ଉପରେ କାର୍ଯ୍ୟ କରାଯାଇପାରେ । ଏହାର ଅଧିକତମ ଗତି କେବଳ ୧୦୦ ମାଇଲ ପ୍ରତିଘଣ୍ଟା ରହିବ । ଏହା ୦ ରୁ ୧୦୦ ଗତିକୁ ଆସିବା ପାଇଁ ୧୦ ସେକେଣ୍ଡ ଲାଗିବ । ଏହା ବ୍ୟତୀତ ଏହା ଏବେ ବହୁତ ମହଙ୍ଗା ଗାଡି ଅଟେ । ଏହାର ମୂଲ୍ୟ ୨ ଲକ୍ଷ ୬୨ ହଜାର ଡଲାର ଅଟେ । ଯାହାକି ଫରାରି ରୋମାର ମୂଲ୍ୟଠୁ ବି ଅଧିକ । ଅନ୍ୟପକ୍ଷରେ ନିସାନ ଲିଫ2 ୨୭ ହଜାର ଡଲାର ଏବଂ ଟେସଲା ମଡେଲ ୩ ୫୦ ହଜାର ଡଲାର ମୂଲ୍ୟରେ ବଜାରରେ ଉପଲବ୍ଧ ରହିଛି । କିନ୍ତୁ ଲାଇଟ ଇୟର ନିଜର ଲାଇଟ ଇୟର ୨ ମଡେଲ ୨୦୨୫ ସୁଦ୍ଧା ଲଞ୍ଚ୍ କରିବା ପାଇଁ ପ୍ରସ୍ତୁତି କରୁଛି । ଏହାର ମୂଲ୍ୟ ୩୨୧୨୫ ଡଲାର ରହିବ ।

Leave A Reply

Your email address will not be published.

Close Bitnami banner
Bitnami