ଛତିସଗଡ଼ ଧର୍ମ ସଂସଦର ଆୟୋଜକ କିଏ ? ବିଜେପି ନା କଂଗ୍ରେସ ?

443

ଛତିଶଗଡ଼ର ରାୟପୁରରେ ଆୟୋଜିତ ଧର୍ମ ସଂସଦରେ ମହାରାଷ୍ଟ୍ରର ସାଧୁ କାଳିଚରଣ ମହାରାଜଙ୍କ ମହାତ୍ମା ଗାନ୍ଧିଙ୍କୁ ନେଇ ଦିଆଯାଇଥିବା ବକ୍ତବ୍ୟକୁ ନେଇ ଦେଶ ବ୍ୟାପି ତିବ୍ର ପ୍ରତିକ୍ରିୟା ସୃଷ୍ଟି ହୋଇଛି । କାଲିଚଣଙ୍କ ନାଥୁରାମ ଗଡ଼ସେଙ୍କ ମହିମାଗାନ ଓ ଗାନ୍ଧିଙ୍କ ପ୍ରତି ଅସଭ୍ୟ ଶବ୍ଦ ପ୍ରୟୋଗକୁ ନେଇ ଥାନାରେ ମାମଲା ମଧ୍ୟ ରୁଜ୍ଜ ହୋଇଛି । ତେବେ ଏହା ଭିତରେ କାଳିଚରଣ କିନ୍ତୁ ନିଜ ବୟାନରୁ ହଟିବାକୁ ପ୍ରସ୍ତୁତ ନାହାନ୍ତି । ସେ କହି ସାରିଛନ୍ତି ଯେ, ଯାହା କହିଥିଲି ଠିକ୍ କହିଛି ଓ କ୍ଷମା ମାଗିବାର ପ୍ରଶ୍ନ ଉଠୁନାହିଁ । ଏହା ଭିତରେ ଏହି ଧର୍ମ ସଂସଦକୁ ନେଇ ଗୋଟିଏ ରୋଚକ ତଥ୍ୟ ସାମ୍ନାକୁ ଆସିଛି । ସେହି ତଥ୍ୟ କ’ଣ ଜାଣିବା ଆଗରୁ ଗୋଟିଏ କଥା ଜାଣି ନିଅନ୍ତୁ ଯେ, କାଳିଚରଣଙ୍କ ବିରୋଧରେ ରାୟପୁରରେ କଂଗ୍ରେସ ନେତା ଏତଲା ଦେଇଛନ୍ତି । ଏବେ ରୋଚକ ତଥ୍ୟ ହେଉଛି ଯେ, ଏହି ଧର୍ମ ସଂସଦ ଆୟୋଜକଙ୍କ ମଧ୍ୟରେ କଂଗ୍ରେସ ନେତା ମଧ୍ୟ ଥିଲେ । ତେବେ ଗଡସେ ବନାମ ଗାନ୍ଧି ବିବାଦ ଭିତରେ କଂଗ୍ରେସ ବିଜେପିକୁ ଦୋଷ ଦେଉଥିବା ବେଳେ ଏବେ ପ୍ରଶ୍ନ ଉଠିଲାଣି ଏହି ଧର୍ମ ସଂସଦ ଆୟୋଜନର କଂଗ୍ରେସ ଓ ବିଜେପି ଲିଙ୍କ୍ କ’ଣ ?

ଧର୍ମ ସଂସଦର ଆୟୋଜକ ଶ୍ରୀ ନିଳକଣ୍ଠ ସେବା ସଂସ୍ଥାନର ସଂସ୍ଥାପକ ନିଲକଣ୍ଠ ତ୍ରିପାଠୀଙ୍କ ଅନୁସାରେ ଏହା କୌଣସି ରାଜନୈତିକ ମଂଚ ନଥିଲା । କେବଳ ସନାତନ ଧର୍ମ ପାଇଁ ଏହାର ଆୟୋଜନ ହୋଇଥିଲା । ଆମେ ଧର୍ମ ସଂସଦରେ କେବଳ ଏହି କଥା ଉପରେ ଆଲୋଚନା କରିବାକୁ ଏକାଠି ହୋଇଥିଲୁ ଯେ, କେମିତି ହିନ୍ଦୁ ଧର୍ମର ବିସ୍ତାର ହେବ ଓ କେମିତି ବହୁଧା ବିଭକ୍ତ ହିନ୍ଦୁଙ୍କୁ ଏକାଠି କରାଯାଇ ପାରିବ ।

କିନ୍ତୁ ସଂସ୍ଥାନର ରହିଛି ସବୁ ଦଳ ସହ ସମ୍ପର୍କ !

ତେବେ ଆୟୋଜକ ନିଳକଣ୍ଠ ତ୍ରିପାଠୀ କୁହନ୍ତି ଯେ, ତାଙ୍କ ସଂଗଠନର ସବୁ ରାଜନୈତିକ ଦଳଙ୍କ ସହିତ ସମ୍ପର୍କ ରହିଛି । ରାଜନୈତିକ ଦଳ ସହିତ ସମ୍ପର୍କିତ ଲୋକଙ୍କୁ ଯେମିତି ମାର୍ଗ ଦର୍ଶନ ମିଳିବ ସେଥିପାଇଁ ସେମାନଙ୍କୁ ସଂଗଠନ ନିଜ ସହ ଯୋଡିଛି ବୋଲି ସେ କହିଛନ୍ତିକାଳିଚରଣଙ୍କ ବୟାନ ବାବଦରେ ତାଙ୍କର କହିବା ହେଉଛି ଯେ, ଆମେ ଏଭଳି ବୟାନ କୁ ନିନ୍ଦା କରୁଛୁ । ଧର୍ମ ସଂସଦରେ କେବଳ ସନାତନ ଧର୍ମ ବାବଦରେ ଆଲୋଚନା ହେବ ବୋଲି ପୂର୍ବରୁ ସ୍ପଷ୍ଟ କରାଯାଇଥିବା ସେ କହିଛନ୍ତି ।

ଧର୍ମ ସଂସଦରେ ନେତା ବି ଥିଲେ..

ତ୍ରିପାଠୀଙ୍କ ଅନୁସାରେ ଧର୍ମ ସଂସଦରେ ଛତିସଗଡର ସବୁ ପ୍ରମ୍ମୁଖ ସାଧୁ ସନ୍ଥଙ୍କ ସହିତ କାଳିଚଣ ମହାରାଜ, ହରିଦ୍ୱାରାର ପ୍ରବୋଧାନନ୍ଦ ମହାରାଜ, କାଶିର ରାହୁଲ ଗିରି ମହାରାଜଙ୍କ ଭଳି ପ୍ରମ୍ମୁଖ ସନ୍ଥ ଉପସ୍ଥିତ ଥିଲେ । ଏହି ସନ୍ଥଙ୍କ ସହିତ କଂଗ୍ରେସ ନେତା ତଥା ରାୟପୁରର ପୂର୍ବତନ ମେୟର ପ୍ରମୋଦ ଦୁବେ, ବିଜେପି ନେତା ସଚିଦାନନ୍ଦ ଉପାସନେ ଓ ପୂର୍ବତନ କଂଗ୍ରେସ ବିଧାୟକ ରାମସୁନ୍ଦର ଦାସଙ୍କ ବ୍ୟତିତ ଆହୁରି ଅନେକ ନେତା ଉପସ୍ଥିତ ଥିଲେ ।

ଅନେକ ସାଧୁ କାଳିଚରଣଙ୍କୁ ବିରୋଧ କରିଥିଲେ

କାଳିଚରଣଙ୍କ ବୟାନକୁ ନେଇ ସେ କହିଛନ୍ତି ଯେ, ମଂଚରେ ମହାତ୍ମାଙ୍କ ବିରୋଧରେ ଯେତେବେଳେ କୁହାଯାଇଥିଲା ସେତେବେଳେ ଆୟୋଜକ ଭାବେ ନିଜ ବିରୋଧ ବ୍ୟକ୍ତ କରିଥିଲେ । ଏହା ସହିତ ରାମସୁନ୍ଦର ଦାସଙ୍କ ସହିତ ଅନ୍ୟମାନେ ମଧ୍ୟ ବିରୋଧ କରିଥିଲେ ।

କାଳିଚରଣଙ୍କ ବିରୋଧରେ ମାମଲା

ସୂଚନାଯୋଗ୍ୟ ଯେ, ରବିବାର ଦିନ କାଳିଚରଣ ମହାରାଜ ତାଙ୍କ ବକ୍ତବ୍ୟରେ ଗଡସେଙ୍କୁ ପ୍ରଣାମ କରିବା ସହିତ ଗାନ୍ଧି ବଧ ପାଇଁ ପ୍ରଶଂସା କରିଥିଲେ । ଏହି ବୟାନକୁ ନେଇ ତାଙ୍କ ବିରୋଧରେ ଭାରତୀୟ ପିଙ୍ଗଳ କୋର୍ଡର ଧାରା ୫୦୫(୨)-ବିଭିନ୍ନ ବର୍ଗ ମଧ୍ୟରେ ଶତ୍ରୁତା,ଘୃଣା କିମ୍ବା ବିଦ୍ୱେଶ ଭାବ ସୃଷ୍ଚି କରିବାଭଳି ବୟାନ ତଥା ଧାରା ୨୯୪(ଅଶ୍ଲୀଳ କାର୍ଯ୍ୟ) ଅନ୍ତର୍ଗତରେ ମାମଲା ରୁଜ୍ଜ ହୋଇଛି ।

Leave A Reply

Your email address will not be published.

Close Bitnami banner
Bitnami